प्रियांका चोप्राने विकले मुंबईतील 4 आलिशान अपार्टमेंट; किती कोटींमध्ये झाला व्यवहार? जाणून घ्या

Priyanka Chopra Sells 4 Luxurious Apartments in Mumbai: बॉलिवूड अभिनेत्री प्रियांका चोप्राने मुंबईतील अंधेरी पश्चिम येथील तिचे चार आलिशान अपार्टमेंट विकले आहेत. हे अपार्टमेंट लोखंडवाला कॉम्प्लेक्समधील ओबेरॉय स्काय गार्डनमध्ये होते. प्रियंका चोप्राने हे अपार्टमेंट अंदाजे 16.17 कोटी रुपयांना विकले. घर खरेदी प्लॅटफॉर्म इंडेक्सटॅपला मिळालेल्या माहितीनुसार, प्रियांका चोप्राचा हा करार 3 मार्च 2025 रोजी झाला होता. ज्यामध्ये एक फ्लॅट 19 व्या मजल्यावर आहे आणि उर्वरित तीन फ्लॅट 18 व्या मजल्यावर आहेत. यापैकी एक अपार्टमेंट डुप्लेक्स आहे.

प्रियांका चोप्राने विकलेल्या चार फ्लॅट्सची वैशिष्ट्ये - 

प्रियांका चोप्राचे 18 व्या मजल्यावरील 1075 चौरस फूट जागेवर पसरलेले अपार्टमेंट 3.45 कोटी रुपयांना विकले गेले. त्यात कार पार्किंगची देखील सुविधा आहे. या फ्लॅटसाठी खरेदीदाराने 17.26 लाख रुपयांची स्टॅम्प ड्युटी भरली आहे. तथापी, 18 व्या मजल्यावरील  885 चौरस फूट क्षेत्रफळाचा दुसरा फ्लॅट 2.5 कोटी रुपयांना विकला गेला. त्यात कार पार्किंगची देखील सुविधा आहे. यासाठी खरेदीदाराने 14.25  लाख रुपयांची मुद्रांक शुल्क भरले आहे.

हेही वाचा- प्रियांका निकसह अयोध्येत

अभिनेत्रीचा तिसरा फ्लॅट 19 व्या मजल्यावर आहे, जो 1100 चौरस फूट पसरलेला आहे. हा करार 3.52 कोटी रुपयांना झाला आहे ज्यावर खरेदीदाराने 21.12 लाख रुपयांची मुद्रांक शुल्क भरले आहे. तसेच 18 व्या आणि 19 व्या मजल्यावर एक अपार्टमेंट डुप्लेक्स आहे. हे अपार्टमेंट 1985 चौरस फूट जागेत पसरलेले आहे. ज्यामध्ये दोन कार पार्किंगची जागा आहे. या अपार्टमेंटचा करार 6.35 कोटी रुपयांना झाला आहे. यावर खरेदीदाराने 31.75 लाख रुपयांची मुद्रांक शुल्क भरले आहे.

हेही वाचा - प्रियंका चोप्राची बहीण अडकली विवाह बंधनात

प्रियांका चोप्राने भारतातील अनेक मालमत्ता विकल्या - 

दरम्यान, 2018 मध्ये अमेरिकन गायक निक जोनासशी लग्न केल्यानंतर प्रियांका चोप्रा जोनास सध्या लॉस एंजेलिसमध्ये राहत आहे. लग्नानंतर प्रियांकाने भारतातील तिच्या अनेक मालमत्ता विकल्या आहेत. अभिनेत्रीने 2023 मध्ये ओशिवरा येथील 2 पेंटहाऊस 6 कोटी रुपयांना विकले. तथापि, 2021 मध्ये, प्रियांका चोप्राने ओशिवरा येथील त्याच्या ऑफिसची जागा 2.11 लाख रुपये प्रति महिना भाड्याने दिली. तसेच 2021 मध्ये तिने अंधेरी पश्चिमेतील वर्सोवा परिसरातील दोन अपार्टमेंट विकले. तो करार सुमारे 7 कोटी रुपयांना निश्चित झाला होता.