शत्रू देशाची आता खैर नाही! आता पाचव्या पिढीतील स्टेल्थ लढाऊ विमाने भारतातच बनवली जाणार

नवी दिल्ली: भारत आणि पाकिस्तानमधील तणावानंतर केंद्र सरकारने देशाच्या संरक्षण ताफ्याला आणखी मजबूत करण्याचा निर्णय घेतला आहे. यासाठी सरकार संरक्षण बजेटमध्ये अतिरिक्त पैसे देणार असल्याचेही समोर आले आहे. दरम्यान, भारत आपली शस्त्रास्त्र प्रणाली देखील मजबूत करत आहे, ज्यासाठी राजनाथ सिंह यांनी आज एक मोठा निर्णय घेतला. 

भारतीय हवाई दलासाठी पाचव्या पिढीतील स्वदेशी डीप पेनिट्रेशन अॅडव्हान्स्ड मीडियम कॉम्बॅट फायटर विमान विकसित करण्याच्या एका मेगा प्रोजेक्टला संरक्षण मंत्र्यांनी मंजुरी दिली. हे अंमलात आणण्यासाठी एक्झिक्युशन मॉडेल मंजूर करण्यात आले आहे.

हेही वाचा - पाकिस्तान प्रॉक्सी युद्ध नव्हे तर स्वतः युद्ध लढत आहे; गांधीनगरमध्ये पंतप्रधान मोदींचा दावा

मध्यम वजनाचे खोलवर मारा करणारे लढाऊ विमान विकसित करण्यात येणार - 

भारत आपल्या हवाई शक्ती क्षमता वाढविण्यासाठी प्रगत स्टेल्थ वैशिष्ट्यांसह मध्यम वजनाचे खोलवर मारा करणारे लढाऊ विमान विकसित करण्याच्या महत्त्वाकांक्षी AMCA प्रकल्पाचा पाठपुरावा करत आहे. भारताच्या स्वदेशी संरक्षण क्षमता वाढवण्याच्या आणि मजबूत देशांतर्गत एरोस्पेस औद्योगिक परिसंस्थेला प्रोत्साहन देण्याच्या दिशेने एक महत्त्वपूर्ण पाऊल म्हणून, संरक्षण मंत्री राजनाथ सिंह यांनी प्रगत मध्यम लढाऊ विमान (AMCA) कार्यक्रम अंमलबजावणी मॉडेलला मान्यता दिली आहे.

हेही वाचा - पाकिस्तानने भारतावर डागले 413 ड्रोन; ऑपरेशन सिंदूरवर BSF चा मोठा खुलासा

स्टील्थ फायटर जेट -

एएमसीए हे भारताचे स्वदेशी पाचव्या पिढीतील स्टेल्थ लढाऊ विमान आहे. जरी ते स्वदेशी असले तरी ते अनेक प्रगत तंत्रज्ञानाने सुसज्ज आहे. त्यात रडार-चुकवण्याची क्षमता, उत्कृष्ट शस्त्र प्रणाली आणि सेन्सर्स आहेत.