पहलगाम हल्ल्यानंतर ओमर अब्दुल्ला पहिल्यांदाच पंतप्रधान मोदींच्या भेटीला; दहशतवाद संपवण्याबाबत झाली चर्चा

नवी दिल्ली: पहलगाम हल्ल्यानंतर पहिल्यांदाच जम्मू-काश्मीरचे मुख्यमंत्री ओमर अब्दुल्ला यांनी पंतप्रधान मोदींची भेट घेतली आहे. 25 मिनिटे चाललेल्या या बैठकीत दहशतवाद संपवण्याबाबत महत्त्वाची चर्चा झाली. 22 एप्रिल रोजी दुपारी चार दहशतवाद्यांनी पहलगाम खोऱ्यात पर्यटकांवर हल्ला केला, ज्यामध्ये 26 लोकांचा मृत्यू झाला. तेव्हापासून जम्मू आणि काश्मीरमधील पर्यटनावर वाईट परिणाम झाला आहे. पर्यटनावर आधारित रोजगार जवळजवळ संपुष्टात आला आहे. सर्व हॉटेल्स रिकामे पडले आहेत. 

लोकांनी जम्मू आणि काश्मीरला जाणारी तिकिटे आणि हॉटेल बुकिंग रद्द केले आहेत. या घटनेनंतर लष्कराने दहशतवाद्यांवर मोठ्या प्रमाणात शोध मोहीम सुरू केली. काश्मीर मधील नेत्यांनी लोकांना बुकिंग रद्द करू नका असे आवाहन केले होते. तथापि, नंतर सुरक्षेच्या कारणास्तव काश्मीर खोऱ्यातील अनेक पर्यटन ठिकाणे पर्यटकांसाठी बंद करण्यात आली आहेत.

हेही वाचा - पंतप्रधान शाहबाज यांच्यानंतर आता इम्रान खानचे खाते भारतात ब्लॉक

पहलगाम दहशतवादी हल्ल्यानंतर भारत आणि पाकिस्तान मधील संबंध अधिक तणावग्रस्त झाले आहेत. भारताने पाकिस्तानवर सर्व बाजूंनी निर्बंध लादले आहेत. भारताने दहशतवाद्यांना आश्रय देणारा पाकिस्तानसोबतचा सिंधू पाणी करार रद्द केला. तसेच सर्व पाकिस्तानी नागरिकांचे व्हिसा देखील रद्द केले. बहुतेक पाकिस्तानी नागरिक त्यांच्या देशात परतले आहेत. 

हेही वाचा - '..पाकिस्तानात जाण्यापेक्षा मेलेलं बरं!' तिथले नागरिक आणि J&K पोलीस दलात 27 वर्षे सेवा? हे कसं घडलं?

पहलगाम हल्ल्यानंतर, पंतप्रधान मोदींनी जनतेला संबोधित केले आहे. त्यांनी हा हल्ला करणाऱ्याला सोडणार नसून त्यांना शोधून मारू, असं आश्वासन दिलं आहे. याशिवाय, भारतीय हवाई दल आणि नौदल मोठ्या प्रमाणात सराव करत आहेत. भारताने आपत्कालीन खरेदी अंतर्गत अमेरिकेकडून 85 व्ही स्वॉर्ड क्षेपणास्त्र खरेदी करण्याचा निर्णय घेतला आहे.