एखाद्यावर पाण्याने भरलेला फुगा फेकणे ठरू शकते गुन्हा; तक्रार केल्यास होऊ शकते 'इतक्या' वर्षाची शिक्षा

सध्या संपूर्ण देशात होळीचा उत्सव सुरू आहे. होळीच्या उत्सवादरम्यान, लोक एकमेकांवर गुलाल आणि पाण्याचे फुगे फेकताना दिसतात. बऱ्याचदा, होळीच्या वेळी मुले आणि प्रौढ देखील छतावरून किंवा बाल्कनीतून येणाऱ्या जाणाऱ्यांवर रंगीबेरंगी फुगे फेकतात. पण तुम्हाला माहित आहे का की पाण्याने भरलेल्या फुग्यांसह होळी खेळल्याने तुम्ही कायदेशीर अडचणीत येऊ शकता? 

संमतीशिवाय पाण्याचे फुगे फेकणे गुन्हा - 

संमतीशिवाय पाण्याचे फुगे फेकणे हा गुन्हा मानला जातो. कलम 223 नुसार, एखाद्याला संमतीशिवाय पाण्याचे फुगे फेकून मारल्याने 6 महिने तुरुंगवास आणि दंडाची शिक्षा होऊ शकते. जर फुग्यामुळे कोणतीही दुखापत झाली तर तुम्हाला कलम 115 (2) अंतर्गत 1 वर्षापर्यंत तुरुंगवास होऊ शकतो. याशिवाय, गंभीर दुखापत झाल्यास, शिक्षा 7 वर्षांपर्यंत असू शकते. 

हेही वाचा - होळीमध्ये भांग पिण्याचे तोटे: जाणून घ्या आरोग्यावर होणारे गंभीर परिणाम

पाण्याचे फुगे फेकणाऱ्याविरोधात मारहाणीचा गुन्हा -

याशिवाय, पाण्याचे फुगे फेकणाऱ्याविरोधातआयपीसीच्या कलम 352 अंतर्गत मारहाणीचा गुन्हा दाखल केला जाऊ शकतो. जर मुले फुगे फेकत असतील तर पालकांवर कारवाई केली जाऊ शकते. म्हणून होळी साजरी करताना विशेष काळजी घेणे गरजेचे आहे. त्यामुळे परवानगीशिवाय कोणावरही पाण्याचे फुगे फेकून कायदेशीर अडचणीत येऊ नका.

हेही वाचा - Holi 2025 Wishes in Marathi: तुमच्या प्रियजनांसोबत शेअर करण्यासाठी 50 टॉप होळीच्या शुभेच्छा, संदेश

महिलांवर फुगा फेकल्यास होऊ शकतो तुरुंगवास - 

तथापि, जर कोणी महिलेवर पाण्याचा फुगा फेकला तर त्याचे परिणाम आणखी गंभीर असू शकतात. जर महिलेने तक्रार केली तर त्या व्यक्तीविरुद्ध बीएनएसच्या कलम 74 अंतर्गत गुन्हा दाखल केला जाऊ शकतो. या कलमाअंतर्गत, एखाद्या व्यक्तीवर महिलेच्या सभ्यतेचे आणि नैतिकतेचे उल्लंघन केल्याचा आरोप ठेवण्यात येतो. या प्रकरणात, आरोपीला 1 वर्षाची शिक्षा होऊ शकते, जी 5 वर्षांपर्यंत वाढवता येते.