Chanakya Niti : या 5 चुका सगळं गमावायला ठरतात कारणीभूत; आचार्य चाणक्यांनी सर्वांना केलंय सावध

Chanakya on Mistakes in the Life : आचार्य चाणक्य यांची शिकवण प्रत्येकासाठी मार्गदर्शक आहे. जीवनात यशस्वी होण्यासाठी, अडचणींवर मात करण्यासाठी चाणक्यांनी काही प्रभावी उपाय सुचवले आहेत. यांना चाणक्यांची सूत्रे असंही म्हटलं जातं. प्रत्येकाला आपल्या आयुष्यात यशस्वी व्हायचं असतं. पण यश मिळवण्यासाठी काही गोष्टी आवश्यक असतात. आपल्या विचारांत, आचरणात काही बदल घडवून आणावे लागतात. शिस्त पाळावी लागते. चाणक्यांनी अशा मोठ्या चुकांविषयी सांगितले आहे, ज्यामुळे मिळवलेले किंवा असलेले सर्व काही मातीमोल होऊ शकते.

आचार्य चाणक्य यांनी जीवनाच्या प्रत्येक पैलूवर असे धोरण दिले आहे जे आजही पूर्णपणे प्रासंगिक आहेत. चाणक्यांनी माणसाकडून होणाऱ्या चुकांविषयी काही सावधानतेचे इशारे दिले आहेत. त्याकडे दुर्लक्ष करणे महागात पडू शकते. जर एखाद्या व्यक्तीने या 5 मोठ्या चुका केल्या तर, तिचा आदर, संपत्ती आणि नातेसंबंध, सर्वकाही हळूहळू किंवा कधी कधी एका झटक्यात संपू शकतं. जाणून घेऊ, चाणक्यनीतीच्या 5 महत्त्वाच्या गोष्टी, ज्या प्रत्येकाने आयुष्यभर लक्षात ठेवल्या पाहिजेत.

हेही वाचा - Chanakya Niti : चुकूनही या 3 गोष्टींची लाज बाळगू नये; अन्यथा, होते नुकसान

योग्य त्या व्यक्तीला आदर देणे चांगल्या लोकांना योग्य तो मान-सन्मान, आदर देणे आवश्यक आहे. पुरुषांनी चांगल्या आणि सभ्य स्त्रियांचा आणि स्त्रियांनीही चांगल्या, योग्य वर्तन असलेल्या पुरुषांचा आदर केला पाहिजे. परस्पर आदरातूनच अनेक चांगल्या गोष्टी, चांगले संबंध साध्य होतात. जो पुरुष सभ्य, सद्वर्तनी महिलांचा अनादर करतो, त्याचं उद्ध्वस्त होणं निश्चित आहे. महिला शक्ती, करुणा आणि संस्कृतीचं प्रतीक आहेत. त्यांच्याशी गैरवर्तन किंवा अनादर केल्याने जीवनात नकारात्मकता येते. अशा पुरुषाला समाजात आदरही मिळत नाही. तसेच, गैरवर्तन करणाऱ्या, सभ्य लोकांचा अनादर करणाऱ्या महिलेलाही समाजात आदर मिळत नाही.

रागाच्या किंवा भावनेच्या भरात निर्णय घेऊ नये रागाच्या भरात निर्णय घेणाऱ्या स्त्री-पुरुषांवर आयुष्यात अनेकदा पश्चात्तापाची वेळ येते. राग, अतिभावनाप्रधानता तर्क आणि विचार नष्ट करते. म्हणून, कोणतंही मोठं पाऊल विचार करून उचललं पाहिजे. महत्त्वाचा निर्णय किंवा दैनंदिन व्यवहारही शांत मनाने आणि काळजीपूर्वक केले पाहिजेत. एका चुकीमुळे खूप काही गमवावे लागू शकते.

चांगली संगत जशी संगत असते, तसेच जीवन घडते. जर आपण आळशी, कपटी किंवा नकारात्मक विचारसरणीच्या लोकांसारख्या चुकीच्या लोकांच्या संगतीत राहिलो तर, आपणही तसेच बनतो. योग्य संगत यश आणि चारित्र्य दोन्ही मजबूत बनवते. सुसंगती असली पाहिजे, ही बाब सर्वच महान लोकांनी सांगितली आहे.

गर्विष्ठपणा, अहंकार जर एखाद्या माणसाला त्याच्या संपत्तीचा आणि शक्तीचा अहंकार असेल, तर त्याचे पतन निश्चित आहे. वेळ नेहमीच सारखी राहत नाही. आज जे तुमच्याकडे आहे ते उद्या आपल्या दोषांमुळे हिरावून घेतलं जाऊ शकतं.

आपल्या जीवनातील प्रत्येक बाब इतरांना सांगू नये तुमच्या आयुष्यातील प्रत्येक बाब किंवा रहस्य सर्वांना सांगणं ही एक मोठी चूक आहे. विशेषतः आपण आपल्या योजना, कमकुवतपणा आणि वैयक्तिक बाबी फक्त विश्वासार्ह लोकांसोबतच शेअर कराव्यात. अन्यथा, लोक त्याचा गैरफायदा घेऊ शकतात.

हेही वाचा - Chanakya Niti : तुमच्या प्रियकर/प्रेयसीचं तुमच्यावर खरंच प्रेम आहे का? फसवणूक करणारी व्यक्ती कशी ओळखाल?

(Disclaimer : ही बातमी सामान्य माहितीवर आधारित आहे. जय महाराष्ट्र याची हमी देत नाही.)