National Games 2025: देव कुमार मीनाने पोल व्हॉल्टमध्ये जिंकले सुवर्णपदक

Dev Kumar Meena Wins Gold Medal: 10 फेब्रुवारी रोजी देहरादून येथे झालेल्या राष्ट्रीय क्रीडा स्पर्धा 2025 मध्ये मध्य प्रदेशच्या देव कुमार मीणा यांनी पुरुषांच्या पोल व्हॉल्टमध्ये 5.32 मीटरच्या राष्ट्रीय विक्रमासह सुवर्णपदक जिंकले. अ‍ॅथलेटिक्स स्पर्धांच्या तिसऱ्या दिवशी पंजाबने तीन तर मध्य प्रदेश, उत्तर प्रदेश, आर्मी, तामिळनाडू आणि यजमान उत्तराखंडने प्रत्येकी एक सुवर्णपदक जिंकले. 

हेही वाचा - कोहली आणि शमीचा खराब फॉर्म भारतासाठी त्रासदायक ?

देहरादून येथे सुरू असलेल्या 38 व्या राष्ट्रीय क्रीडा स्पर्धेत मध्य प्रदेशच्या देव कुमार मीणाने चमकदार कामगिरी केली आणि पुरुषांच्या पोल व्हॉल्ट स्पर्धेत नवा राष्ट्रीय विक्रम प्रस्थापित केला. मीनाने सुवर्णपदक जिंकले आणि 2023 मधील त्याचे विजेतेपद राखले. तसेच गुजरातमध्ये 2022 च्या राष्ट्रीय खेळांमध्ये एस शिवाने प्रस्थापित केलेला 5.31 मीटरचा राष्ट्रीय विक्रमही मोडला. 

हेही वाचा - रोहित शर्माची शतकीय खेळी, चॅम्पियन्स ट्रॉफीच्या दृष्टीने शुभ संकेत ?

यापूर्वी, देवची वैयक्तिक सर्वोत्तम कामगिरी 5.20 मीटर होती जी त्याने गेल्या वर्षी पटना येथे झालेल्या इंडिया ओपन अंडर-23 स्पर्धा जिंकताना मिळवली होती. दरम्यान,  तामिळनाडूच्या जी. रेगनने (500 मीटर) रौप्यपदक जिंकले तर उत्तर प्रदेशच्या कुलदीप कुमारने कांस्यपदक जिंकले. उत्तर प्रदेशच्या अनुष्का यादवने महिलांच्या गोळाफेक स्पर्धेत 62.89 मीटरच्या विक्रमी प्रयत्नासह सुवर्णपदक जिंकले. यापूर्वी, राष्ट्रीय खेळांचा विक्रम उत्तर प्रदेशच्या तान्या चौधरीच्या नावावर होता.