SBI Har Ghar Lakhpati Scheme: तरुण असो वा ज्येष्ठ नागरिक एसबीआयची 'हर घर लखपती योजना' सर्वांसाठी आहे खास; काय आहेत वैशिष्ट्ये? जाणून घ्या

SBI Har Ghar Lakhpati Scheme: एसबीआय 'हर घर लखपती' योजना नावाची रिकरिंग डिपॉझिट (आरडी) योजना चालवत आहे. ही योजना तरुण असो वा ज्येष्ठ नागरिक, सर्वांसाठी योग्य असल्याचं बँकेकडून सांगण्यात येत आहे. परंतु, नेमकी या योजनेत काय खास आहे ते जाणून घेऊयात. स्टेट बँक ऑफ इंडिया (SBI) ची 'हर घर लखपती' रिकरिंग डिपॉझिट (RD) योजना ही एक उत्कृष्ट गुंतवणूक पर्याय आहे, जी तुम्हाला दरमहा लहान रक्कम जमा करून मोठी रक्कम जमा करण्याची संधी देते. या योजनेद्वारे तुम्ही नियमितपणे पैसे जमा करून चांगली गुंतवणूक करू शकता आणि मॅच्युरिटीवर मोठी रक्कम मिळवू शकता. SBI ची हर घर लखपती ही योजना त्यांच्यासाठी सर्वोत्तम आहे ज्यांना दीर्घकाळ गुंतवणूक करायची आहे आणि भविष्यात दरमहा एक निश्चित रक्कम जमा करून मोठी रक्कम मिळवायची आहे.

हेही वाचा - महिला दिनाच्या दिवशी एसबीआयची महिलांना खास भेट! ''SBI Asmita'' योजनेअंतर्गत मिळणार तारणमुक्त कर्ज

हर घर लखपती योजनेवरील व्याजदर - 

सामान्य नागरिकांसाठी 6.75% वार्षिक व्याज. ज्येष्ठ नागरिकांसाठी 7.25 % वार्षिक व्याज.

परिपक्वता कालावधी - 

हर घर लखपती योजनेची परिपक्वता कालावधी 3 ते 10 वर्षे आहे. तुम्ही तुमच्या सोयीनुसार मॅच्युरिटी निवडू शकता.

गुंतवणूक प्रक्रिया - 

तुम्ही या योजनेत वैयक्तिकरित्या किंवा संयुक्त खात्याच्या स्वरूपात गुंतवणूक करू शकता. याशिवाय, पालक त्यांच्या मुलांसोबत खाते उघडू शकतात.

हेही वाचा - आता लहान गुंतवणूकदारही करू शकतात म्युच्युअल फंडात गुंतवणूक; SBI Mutual Fund ने सुरु केली 250 रुपयांची JanNivesh SIP

कर बचत - 

जर तुमचे आरडीमधून मिळणारे व्याज उत्पन्न 40,000 पर्यंत असेल तर तुम्हाला कोणताही कर भरावा लागणार नाही. जर व्याज उत्पन्न 40,000 पेक्षा जास्त असेल तर 10 % टीडीएस कापला जातो. तथापि, जर तुमचे एकूण उत्पन्न कर मर्यादेपेक्षा कमी असेल तर टीडीएस कापला जाणार नाही. यासाठी तुम्हाला बँकेत फॉर्म 15 जी (सर्वसाधारण नागरिकांसाठी) किंवा फॉर्म 15 एच (ज्येष्ठ नागरिकांसाठी) जमा करावा लागेल.

Disclaimer:  शेअर बाजारातील गुंतवणूक जोखमीची आहे. नियम व अटी काळजीपूर्वक वाचा. जय महाराष्ट्र कोणत्याही नफ्या-तोट्यास जबाबदार नाही. गुंतवणुकीपूर्वी तज्ज्ञांचा सल्ला घ्या!