उन्हाळ्यात काय खाणे चांगले? चिया सीडस् की, तुळशीच्या बिया? कसे खावे, तेही जाणून घ्या

Chia Seeds vs Tulsi Seeds : चिया सीडस् आणि तुळशीच्या बिया दोन्हीही फायदेशीर आहेत. मात्र, त्यांचे फायदे वेगवेगळे आहेत. लोक त्यांचा आहारात समावेश करतात. पण, एक प्रश्न असाही उद्भवतो की, चिया सीडस् उन्हाळ्यात जास्त फायदेशीर असतात की तुळशीच्या बिया? चला, जाणून घेऊया..

चिया सीडस् आणि तुळशीच्या बिया दोन्ही आरोग्यासाठी खूप फायदेशीर मानल्या जातात. म्हणून, बरेच लोक त्यांना पाण्यात किंवा स्मूदी इत्यादींमध्ये मिसळून त्यांच्या आहारात समाविष्ट करतात. पण उन्हाळ्यात या दोन्हींपैकी काय (चिया सीड्स की तुळशीच्या बिया) खाणे अधिक फायदेशीर ठरू शकते?

हेही वाचा - कडक उन्हामुळे हैराण झालात? जाणून घ्या, उष्णतेचा मेंदूवर कसा परिणाम होतो आणि 'समर सॅड' म्हणजे काय?

तुळशीच्या बियांचे आरोग्याला काय फायदे होतात? तुळशीच्या बिया उन्हाळ्यासाठी खूप फायदेशीर मानले जातात. यांचे शरीराला थंडावा देण्याशिवाय इतरही अनेक आरोग्य फायदे आहेत.

तुळशीच्या बियांचे फायदे शरीर थंड राहते - तुळशीच्या बियांमध्ये थंडावा असतो, ज्यामुळे उन्हाळ्यात शरीराचे तापमान संतुलित राहण्यास मदत होते. त्या पाण्यात भिजवून त्याचे सरबत करून किंवा दुधामध्ये खीर बनवून प्यायल्याने शरीर थंड राहते. पचनसंस्थेसाठी वरदान - या बियांमध्ये भरपूर फायबर असते. याच्यामुळे बद्धकोष्ठता दूर होण्यास आणि पचन सुधारण्यास मदत होते. उन्हाळ्यात होणारी अपचनाची समस्या यामुळे सहज दूर होते. अँटी-ऑक्सिडंट्सचा खजिना - तुळशीच्या बियांमध्ये अँटी-इंफ्लेमेटरी आणि अँटी-ऑक्सिडंट गुणधर्म असतात, जे शरीरातील विषारी पदार्थ काढून टाकण्यास मदत करतात. त्वचेसाठी फायदेशीर - उन्हाळ्यात त्वचेवर उष्णतेमुळे येणारे चट्टे आणि मुरुमांची समस्या वाढते. तुळशीच्या बियांचे नियमित सेवन केल्याने त्वचा स्वच्छ आणि चमकदार होते. वजन कमी करण्यास मदत करते - ज्यांच्यामध्ये लठ्ठपणाची समस्या आहे, त्यांना वजन कमी करण्यास याचा उपयोग होऊ शकतो. यात असलेल्या फायबरमुळे तुम्हाला बराच वेळ पोट भरल्यासारखे वाटते, त्यामुळे जास्त खाणे टाळले जाते.

चिया सीड्सचे आरोग्याला होणारे फायदे गेल्या काही वर्षांत चिया सीड्स सुपरफूड म्हणून ओळखल्या जाऊ लागल्या आहेत. या लहान बिया पोषक तत्त्वांनी समृद्ध आहेत आणि आरोग्यासाठी अनेक प्रकारे फायदेशीर आहेत.

चिया बियाण्याचे फायदे ओमेगा-3 फॅटी अॅसिडचा उत्कृष्ट स्रोत - चिया सीडस् हे ओमेगा-3 च्या सर्वोत्तम वनस्पती-आधारित स्त्रोतांपैकी एक आहे, जे मेंदूच्या आरोग्यासाठी आणि हृदयरोग रोखण्यासाठी आवश्यक आहे. प्रथिने समृद्ध - त्यामध्ये सर्व 9 आवश्यक अमीनो आम्ल असतात, ज्यामुळे ते शाकाहारी लोकांसाठी एक उत्कृष्ट प्रथिन पर्याय बनतात. दीर्घकाळ ऊर्जा प्रदान करते - जेव्हा चिया सीडस् पाण्यात भिजवले जातात तेव्हा त्याचा जेलसारखा पदार्थ तयार होतो. हे शरीराला बराच काळ हायड्रेट ठेवते आणि हळूहळू ऊर्जा सोडते. सूक्ष्म पोषक घटकांनी समृद्ध - चिया सीडसमधील मॅग्नेशियम, तांबे, जस्त आणि सेलेनियम सारखी खनिजे हाडे मजबूत करण्यास आणि रोगप्रतिकारक शक्ती वाढविण्यास मदत करतात. रक्तातील साखर नियंत्रित करते - चिया सीडस रक्तातील साखरेची पातळी स्थिर ठेवण्यास मदत करतात, हे मधुमेहाच्या रुग्णांसाठी फायदेशीर आहे.

हेही वाचा - पपई न्याहारीमध्ये खाल्ल्याचे मोठे फायदे.. उन्हाळ्यात पचनक्रिया राहील ठणठणीत

उन्हाळ्यासाठी काय चांगले आहे? (चिया सीड्स की, तुळशीच्या बिया) दोन्ही बिया आरोग्यासाठी अत्यंत फायदेशीर आहेत. परंतु, उन्हाळ्यात तुळशीच्या बिया अधिक चांगल्या असतात.

तुळशीच्या बिया थंडावा देतात - तुळशीच्या बिया शरीरातील उष्णता कमी करण्यासाठी विशेषतः फायदेशीर आहेत, तर चिया सीडसचा तटस्थ प्रभाव असतो. पचनाच्या समस्यांवर उपाय - उन्हाळ्यात किंवा कोणत्याही ऋतूमध्ये पचनाच्या समस्या अधिक आढळतात आणि तुळशीच्या बिया त्या बऱ्या करण्यासाठी खूप प्रभावी आहेत. हायड्रेशन - दोन्ही बिया हायड्रेशनमध्ये म्हणजे शरीरातील पाण्याची पातळी योग्य ठेवण्यामध्ये मदत करतात. परंतु, उन्हाळ्यात डिहायड्रेशन टाळण्यासाठी आयुर्वेदात तुळशीच्या बिया अधिक चांगल्या. शिवाय, पारंपारिकपणे त्याच वापरल्या जातात. पण, जर तुम्ही व्यायाम करत असाल किंवा खूप शारीरिक हालचाल करत असाल, तर चिया सीडसपासून मिळणारी दीर्घकालीन ऊर्जा फायदेशीर ठरू शकते. पण अशा स्थितीत चिया सीडस आणि तुळशीच्या बिया आलटून-पालटून घेणे फायदेशीर ठरेल.

(Disclaimer : ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)