Ladki Bahin E-KYC: ई-केवायसी करताना लाडक्या बहिणींना अडचण; ओटीपी मिळत नसल्याने लाभार्थी महिलांना मनस्ताप

Ladki Bahin E-KYC: महाराष्ट्रातील मुख्यमंत्री 'माझी लाडकी बहीण' योजनेच्या लाभार्थ्यांसाठी ई-केवायसी प्रक्रिया सुरु आहे. महिला व बालविकास विभागाच्या मंत्री आदिती तटकरे यांनी योजनेतील सर्व पात्र महिलांना ई-केवायसी पूर्ण करण्याचे आवाहन केले आहे. मात्र, पोर्टलवरून आवश्यक ओटीपी न मिळाल्यामुळे काही लाभार्थ्यांना तांत्रिक अडचणींचा सामना करावा लागत आहे.

ई-केवायसी प्रक्रियेत प्रत्येक लाभार्थी महिलेला सर्वप्रथम स्वतःचा आधार क्रमांक नोंदवावा लागतो. त्यानंतर पती किंवा वडिलांचा आधार क्रमांकही नोंदवावा लागतो, जेणेकरून आधार प्रमाणीकरण पूर्ण होईल. या प्रक्रियेत ओटीपी आवश्यक असतो, जो पती किंवा वडिलांच्या नोंदवलेल्या मोबाईल नंबरवर येतो. अनेक महिलांना या ओटीपी न मिळाल्याने ई-केवायसी पूर्ण करण्यात अडचणी येत आहेत. हेही वाचा: Maharashtra ST Workers Strike: सणासुदीच्या काळात वाहतूक ठप्प होणार? एसटी कर्मचाऱ्यांचा आंदोलनाचा इशारा

लाभार्थ्यांना ई-केवायसीदरम्यान एक घोषणापत्रही स्वीकारावे लागते. या घोषणापत्रात त्या महिलेच्या कुटुंबातील व्यक्ती शासकीय नोकरित नसल्याचे आणि कुटुंबातील केवळ दोन व्यक्तींना योजना लाभित असल्याचे नमूद करणे आवश्यक आहे. या घोषणेनंतरच लाभार्थी ई-केवायसी पूर्ण करून योजनेचा फायदा घेऊ शकतात.

महिला व बालविकास मंत्री आदिती तटकरे यांनी लाभार्थ्यांना मार्गदर्शन करत सांगितले की, ई-केवायसी प्रक्रिया पूर्ण करणे अत्यंत सोपे आणि पारदर्शक आहे. ही प्रक्रिया पात्र महिलांना सातत्यानं लाभ मिळवण्यासाठी आवश्यक आहे. तसेच भविष्यात इतर शासकीय योजनांचा लाभ घेण्यासाठी ही ई-केवायसी प्रक्रिया उपयुक्त ठरेल.

अधिकार्‍यांनी दिलेल्या माहितीनुसार, पोर्टल https://ladakibahin.maharashtra.gov.in द्वारे ई-केवायसी प्रक्रिया सुरू आहे. लाभार्थ्यांनी पुढील दोन महिन्यांत ही प्रक्रिया पूर्ण करणे आवश्यक आहे. तसेच पोर्टलवर सर्व माहिती स्पष्ट दिलेली असून, मार्गदर्शनाची सुविधाही उपलब्ध आहे.

लाभार्थ्यांसाठी ही योजना आर्थिकदृष्ट्या खूप महत्वाची ठरते. योजनेत लाभार्थ्यांना 14 हप्त्यांच्या रकमेचा लाभ मिळालेला आहे, आणि ई-केवायसी प्रक्रिया पूर्ण झाल्यावर भविष्यातील हप्ते आणि लाभ नियमितपणे मिळू शकतात. हेही वाचा: Ajit Pawar NCP: मुंबई महापालिका सोडता इतर ठिकाणी स्वबळावर..., राष्ट्रवादीची मोठी घोषणा

या योजनेची पारदर्शकता आणि लाभार्थ्यांना वेळेवर लाभ मिळवून देणे हे ई-केवायसी प्रक्रियेचे प्रमुख उद्दिष्ट आहे. त्यामुळे सर्व लाभार्थ्यांनी ओटीपीसाठी होणाऱ्या तांत्रिक अडचणींवर संयम ठेवत, प्रक्रिया पूर्ण करणे गरजेचे आहे.

अधिकार्‍यांचे म्हणणे आहे की, जर पोर्टलवरून ओटीपी येत नसेल, तर तातडीने मदतीसाठी हेल्पलाइनवर संपर्क साधावा. महिला व बालविकास विभाग तसेच स्थानिक अधिकारी लाभार्थ्यांना योग्य मार्गदर्शन देतील.

एकंदरीत, मुख्यमंत्री माझी लाडकी बहीण योजनेत ई-केवायसी प्रक्रिया पूर्ण करणे अत्यंत गरजेचे आहे. या प्रक्रियेद्वारे महिलांना योजनेचा फायदा सातत्याने मिळेल आणि भविष्यातील शासकीय योजना व निधीही सुरक्षित राहतील.