PM Kisan Installment Date: पीएम किसान योजनेचा 20 वा हप्ता कधी जारी होणार? जाणून घ्या

नवी दिल्ली: देशभरातील शेतकऱ्यांसाठी अत्यंत महत्त्वाची बातमी आहे. प्रधानमंत्री किसान सन्मान निधी योजनेबाबत मोठे अपडेट समोर आले आहे. या योजनेअंतर्गत पात्र शेतकऱ्यांना दरवर्षी 6 हजार रुपयांची आर्थिक मदत दिली जाते, जी दर चार महिन्यांनी 2 हजार रुपयांच्या तीन समान हप्त्यांमध्ये थेट त्यांच्या बँक खात्यात हस्तांतरित केली जाते. 24 फेब्रुवारी 2025 रोजी पंतप्रधान नरेंद्र मोदी यांनी बिहारमधील भागलपूरमध्ये 19 वा हप्ता जारी केला, ज्या अंतर्गत 9.8 कोटींहून अधिक शेतकऱ्यांना 22 हजार कोटी रुपयांपेक्षा जास्त रक्कम वितरित करण्यात आली. आता शेतकरी 20 व्या हप्त्याची आतुरतेने वाट पाहत आहेत.

हेही वाचा - महत्वाची बातमी: 1 जूनपासून यूपीआय ते एलपीजीपर्यंत आर्थिक व्यवस्थेत होणार मोठे बदल; काय आहे नवीन नियमावली? जाणून घ्या

पीएम-किसान योजनेचा 20 वा हप्ता कधी जारी होणार? 

पीएम-किसान योजनेअंतर्गत हप्ते दर चार महिन्यांच्या अंतराने जारी केले जातात. फेब्रुवारी 2025 मध्ये 19 वा हप्ता जारी झाल्यानंतर, 20 वा हप्ता जून 2025 मध्ये जारी होण्याची शक्यता आहे. 20 वा हप्ता जूनच्या पहिल्या किंवा दुसऱ्या आठवड्यात शेतकऱ्यांच्या खात्यात हस्तांतरित केला जाऊ शकतो. परंतु, अद्याप याबाबत सरकारकडून अधिकृत पुष्टी करण्यात आलेली नाही. शेतकऱ्यांना pmkisan.gov.in या अधिकृत वेबसाइटवरील अपडेट्स नियमितपणे तपासण्याचा सल्ला देण्यात येत आहे.

हेही वाचा - ATM मधून PF चे पैसे कसे काढायचे? जाणून घ्या प्रक्रिया

 पीएम-किसान योजनेसाठी eKYC करणे अनिवार्य - 

दरम्यान, 20 वा हप्ता मिळविण्यासाठी शेतकऱ्यांनी eKYC पूर्ण करणे अनिवार्य आहे. eKYC साठी, शेतकरी अधिकृत वेबसाइटला भेट देऊ शकतात आणि OTP द्वारे किंवा जवळच्या सार्वजनिक सेवा केंद्र (CSC) वर बायोमेट्रिक प्रक्रियेद्वारे ते eKYC ची प्रक्रिया पूर्ण करू शकतात.