Dahi Handi 2025 Kokan Nagar Govinda Pathak: कोकण नगर गोविंदा पथकाने मोडला 'जय जवान'चा रेकॉर्ड
मुंबई: शनिवारी महाराष्ट्रासह देशभरात दहीहंडीचा उत्सव मोठ्या जल्लोषात साजरा होत आहे. यंदा अनेक गोविंदा मानाच्या हंड्या फोडण्यासाठी सज्ज झाले आहेत. 'गोंविदा आला रे आला', 'अरे बोल बजरंग बली की जय' अशा गजरात दहीहंडीचा उत्सव पाहायला मिळत आहे. घाटकोपर येथील राम कदमांची दहीहंडी, संस्कृती युवा प्रतिष्ठानची दहीहंडीची दहीहंडी, टेंभी नाका, ठाणेमधील धर्मवीर आनंद दिघे साहेबांची मानाची दहीहंडी आणि नौपाडा, ठाणे ये मनसे नेते अविनाश जाधव यांची दहीहंडी या मुंबईतील सर्वांत प्रसिद्ध दहीहंडी आहेत. अशातच, ठाणे पश्चिम येथील कोकण नगर गोविंदा पथकाने एक विक्रम मोडला, ज्याची चर्चा सर्वत्र सुरू आहे. चला तर जाणून घेऊया कोकण नगर गोविंदा पथकाने कोणता नवा विक्रम मोडला आहे.
कोकण नगर गोविंदा पथकाने 'हा' विक्रम मोडला
मुंबईतील ठाणे पश्चिम येथील कोकण नगर गोविंदा पथकाने दहीहंडीचे एक नाही, दोन नाही तर तब्बल 10 थर रचून विश्वविक्रम रचला आहे. राज्याचे परिवहन मंत्री आणि धाराशिवचे पालकमंत्री प्रताप सरनाईक यांच्या ठाण्यातील संस्कृती युवा प्रतिष्ठानची दहीहंडीत कोकण नगर गोविंदा पथकाने 10 थर रचले. कोकण नगर गोविंदा पथकाने जय जवान पथकाचा विक्रम मोडला आहे. कोकण नगर गोविंदा पथकाने एक नाही, दोन नाही तर तब्बल 10 थर रचल्याने कोकण नगर परिसरात जल्लोषाचे वातावरण पाहायला मिळत आहे.
'हे' आहेत मुंबईतील प्रसिद्ध दहीहंडी
राम कदम दहीहंडी - घाटकोपर
भाजप नेते आमदार राम कदम यांनी आयोजित केलेली दहीहंडी ही भारतातील सर्वात मोठी दहीहंडी आहे. या दहीहंडी उत्सवात मोठ्या संख्येने गोविंदा पथके सामील होत असतात. साहसी खेळाचा दर्जा दहीहंडी उत्सवाला देण्यात आला असून आज या दहीहंडी उत्सवात मानवी मनोरे गगनाला भिडणार आहेत. राम कदम आयोजित दहीहंडी उत्सवात मुख्यमंत्री देवेंद्र फडणवीस, उपमुख्यमंत्री शिंदे आणि भाजपचे मंत्री आमदार तसेच सिनेकलाकार आणि खेळाडू सुद्धा उपस्थिती लावणार आहेत.
हेही वाचा: Amravati News: तरुणीच्या पोटातून 10 किलोची गाठ काढली; डॉक्टरांनी दिलं जीवनदान
'शोले' चित्रपटावर आधारित दहीहंडीची यंदाची थीम
राज्याचे परिवहन मंत्री आणि धाराशिवचे पालकमंत्री प्रताप सरनाईक यांच्या संस्कृती युवा प्रतिष्ठानची दहीहंडीची यंदाची थीम शोले चित्रपटावर आधारित आहे. विशेष म्हणजे, या उत्सवात 111 स्पॅनिश खेळाडू सहभागी होणार आहे आणि ते साहसी पिरॅमिडचा थरार दाखवणार आहेत. हे यंदाच्या उत्सवाचे प्रमुख आकर्षण असेल.
यंदा, जागतिक विक्रम मोडणाऱ्या गोविंदा पथकाला तब्बल 21 लाख रुपयांचे रोख पारितोषिक जाहीर करण्यात आले आहे. यासह, 9 थर लावणाऱ्या पहिल्या पथकाला 11 लाख रुपयांचे बक्षीस दिले जाणार आहे. तसेच, 8 थर लावणाऱ्या पथकाला 25 हजार, 7 थरांसाठी 15 हजार आणि 6 थरांसाठी 10 हजार रुपयांचे बक्षीस ठेवण्यात आले आहे. यंदा, महिला पथकांनाही 7 थर लावण्याचे आव्हान असून, त्यांनाही योग्य बक्षिसे दिले जाईल. या दहीहंडी उत्सवात अनेक लोकप्रिय कलाकार सहभागी होतील असा अंदाज वर्तवला जात आहे. यंदा शोले चित्रपट 50 व्या वर्षांत पदार्पण करत असल्याने त्यांनी ही थीम निवडली आहे.
हेही वाचा: Jalna DYSP : जालन्यात पोलिसांची मुजोरी, अधिकाऱ्याने आंदोलकाच्या कमरेत लाथ मारली
धर्मवीर आनंद दिघे साहेबांची मानाची दहीहंडी - टेंभी नाका, ठाणे
उपमुख्यमंत्री आणि शिवसेना नेते एकनाथ शिंदे यांच्या नेतृत्वात ठाण्याच्या राजकीय आणि सांस्कृतिक परंपरेचा अविभाज्य भाग असलेली ही दहीहंडी आयोजित केली जाते. तसेच, ही हंडी फोडण्यासाठी ठाणे आणि मुंबईतील गोविंदा पथकांमध्ये मोठी स्पर्धा असते. विशेष म्हणजे, या दहीहंडीत महिला गोविंदा पथकांनाही विशेष बक्षिसे देऊन सन्मानित केले जाते.
हेही वाचा: Mumbai Heavy Rain : मुंबईत मुसळधार पाऊस, लोकल ट्रेनचं वेळापत्रक कोलमडलं
मनसे नेते अविनाश जाधव यांची दहीहंडी - नौपाडा, ठाणे
नेहमीप्रमाणे यंदाही मनसे नेते अविनास जाधव यांच्यावतीने ठाण्यातील भगवती मैदानात दहीहंडीचे आयोजिन करण्यात आले आहे. यंदा, मनसेच्या दहीहंडीमध्ये एकही सेलिब्रिटी उपस्थित राहणार नाही. त्यामुळे, यंदाची मनसेची दहीहंडी कशी असेल? याबाबत अनेकांना प्रश्न पडला आहे. सेलिब्रिटींऐवजी प्रत्येक गेविंदा पथकातील थरामध्ये असणारा एक मुलगा सेलिब्रिटी असणार आहे. विशेष म्हणजे, त्या मुलाने व्यासपीठावर येऊन आपली कला सादर करायची आहे. यात, जो गोविंदा उत्कृष्टपणे आपली कला सादर करेल त्याला बक्षिस म्हणून इलेक्ट्रीक बाईक दिली जाईल.