भगवान शंकराच्या 'या' रहस्यमय मंदिराच्या पायऱ्यांवरून चालताना येतो 7 स्वरांचा आवाज

Mysterious Steps of Airavatesvara Temple: भगवान शिवाचा महिमा अपार आहे. शंकराच्या शक्तींपुढे फक्त राक्षसचं नाही तर देवही नतमस्तक होतात. जेव्हा जेव्हा देवांवर कोणतेही संकट आले तेव्हा भोलेनाथांनी नेहमीच त्यांचे रक्षण केले. म्हणूनच भगवान शिव यांना देवांचे देव मानले जाते. भगवान शिवा देशभरात हजारो मंदिरे आहेत. यातील काही मंदिरे नवीन आहेत, तर काही खूप जुनी आहेत. आज आम्ही तुम्हाला अशाच एका जुन्या आणि खास मंदिराबद्दल सांगणार आहोत. जे 12 व्या शतकात बांधले गेले होते. या मंदिराची सर्वात वेगळी आणि रहस्यमय गोष्ट म्हणजे त्याच्या पायऱ्यांमधून संगीताचे सूर निघतात. चला, तर मग या रहस्यमय मंदिराबद्दल जाणून घेऊयात...

कोठे आहे हे रहस्यमय मंदिर? 

या मंदिराचे नाव ऐरावतेश्वर मंदिर आहे, जे तामिळनाडूतील कुंभकोणम येथे आहे. भगवान शिवाचे हे मंदिर 12 व्या शतकात राजा राजा चोल दुसरा याने बांधले होते. हे मंदिर त्याच्या धार्मिक महत्त्वासाठी तसेच त्याच्या भव्य वास्तुकलेसाठी प्रसिद्ध आहे. त्याची सुंदर कोरीवकाम आणि भव्य रचना लोकांना आकर्षित करते.

हेही वाचा - Mahashivratri Vrat Niyam: महाशिवरात्रीच्या उपवासात काय खावे आणि काय खाऊ नये? उपवासाचे योग्य नियम जाणून घ्या

मंदिराचे नाव 'ऐरावतेश्वर' का ठेवण्यात आले?

ऐरावतेश्वर मंदिराचे नाव देवांचा राजा इंद्राच्या पांढऱ्या हत्ती 'ऐरावत' वरून ठेवण्यात आले आहे. असे मानले जाते की ऐरावत येथे भगवान शिवाची पूजा करत होते म्हणून ते ऐरावतेश्वर मंदिर म्हणून ओळखले जाते. हे मंदिर भव्य कला आणि कोरीवकामाचे एक उत्तम उदाहरण आहे. येथील दगडांवर सुंदर कोरीवकाम आहे. हे मंदिर द्रविड शैलीत बांधले गेले असून त्यात रथाचा आकार देखील दिसतो. 

मंदिराच्या पायऱ्यांमधून ऐकू येतो स्वरांचा आवाज -  

ऐरावतेश्वर मंदिरात तुम्हाला इंद्र, अग्नि, वरुण, वायु, ब्रह्मा, विष्णू, सूर्य, सप्तमातृका, दुर्गा, सरस्वती, लक्ष्मी, गंगा, यमुना यासह अनेक वैदिक देवतांच्या मूर्ती आढळतील. या मंदिराची सर्वात मोठी खासियत म्हणजे त्याच्या संगीतमय पायऱ्या. मंदिराच्या प्रवेशद्वारावरील दगडी पायऱ्यांना जेव्हा एखाद्या गोष्टीचा स्पर्श होतो किंवा त्यांना धक्का बसतो तेव्हा सात वेगवेगळे आवाज येतात. ही एक अनोखी आणि रहस्यमय गोष्ट आहे, जी या मंदिराला इतरांपेक्षा वेगळे बनवते. या पायऱ्यांवरून चालताच तुम्हाला संगीताचा मधुर आवाज ऐकू येतो.

हेही वाचा - History of Jyotirlinga: 12 ज्योतिर्लिंगांचा इतिहास काय आहे? महाशिवरात्रीनिमित्त जाणून घ्या महादेवाच्या मंदिरांचे महत्त्व

ऐरावतेश्वर मंदिरात कसे जायचे? 

ऐरावतेश्वर मंदिर कुंभकोणम शहरापासून सुमारे 5 किलोमीटर अंतरावर आहे. येथे पोहोचण्यासाठी सर्वात जवळचे विमानतळ त्रिची आंतरराष्ट्रीय विमानतळ आहे, जे 70 किलोमीटर अंतरावर आहे. कुंभकोणमचे स्वतःचे रेल्वे स्टेशन देखील आहे, जे त्रिची, मदुराई, चेन्नई सारख्या प्रमुख शहरांशी जोडलेले आहे. याठिकाणी जाण्यासाठी बस सेवा देखील उपलब्ध आहेत. तथापी, शहरात प्रवास करण्यासाठी कॅब आणि ऑटो रिक्षा सहज उपलब्ध आहेत.

ऐरावतेश्वर मंदिर इतिहास आणि विज्ञानाचा अद्भुत संगम - 

ऐरावतेश्वर मंदिर हे केवळ एक धार्मिक स्थळ नसून कला, इतिहास आणि विज्ञानाचा एक अद्भुत संगम देखील आहे. त्याचे कोरीवकाम, भव्य रचना आणि गूढ संगीतासह पायऱ्या यामुळे ते आणखी खास ठरते. जर तुम्ही कधी तामिळनाडूला गेलात तर या मंदिराला नक्की भेट द्या. 

Disclaimer: येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. जय महाराष्ट्र त्याची हमी देत नाही.