भांगडा ऑन फायर! हार्दिक-सिद्धूचा विजयानंतरच्या जल्लोषाचा व्हिडीओ व्हायरल

टीम इंडियाने 2025 चॅम्पियन्स ट्रॉफी जिंकून इतिहास रचला! न्यूझीलंडवर चार विकेट्सने मिळवलेल्या रोमांचक विजयामुळे भारताने तब्बल 12 वर्षांनंतर 50 षटकांच्या फॉरमॅटमध्ये ICC ट्रॉफी जिंकण्याचा अविस्मरणीय क्षण साजरा केला. संपूर्ण देशभरात आनंदोत्सव साजरा झाला, पण भारतीय खेळाडूंच्या उत्साहाला मात्र वेगळीच उंची मिळाली.

संघाचा अष्टपैलू खेळाडू हार्दिक पंड्याने विजयाचा आनंद साजरा करत भांगड्राचा ठेका धरला आणि त्याला साथ दिली माजी क्रिकेटर नवज्योत सिंग सिद्धूंनी! दुबई इंटरनॅशनल स्टेडियमवर भारताचा थरारक विजय होताच हार्दिक आणि सिद्धू दोघंही मैदानात भांगड्राच्या तालावर झूमू लागले. त्यांचा हा धम्माल नृत्याचा व्हिडीओ सोशल मीडियावर जोरदार व्हायरल होत आहे.

हेही वाचा: चॅम्पियन्स ट्रॉफी फायनलमध्ये चहलसोबत दिसलेली ‘मिस्ट्री गर्ल’ कोण? जाणून घ्या आरजे महवश बद्दल!

भारतीय संघाच्या विजयावर हार्दिक म्हणाला, “ICC ट्रॉफी जिंकण्याचा आनंद अविस्मरणीय आहे. 2017 ची चॅम्पियन्स ट्रॉफी अजूनही माझ्या मनात ताजी आहे, तेव्हा आपण अंतिम फेरीत जिंकलो नव्हतो. पण यावेळी प्रत्येक खेळाडूने उत्कृष्ट योगदान दिलं, आणि आपण अपराजित राहिलो!”

भारताने न्यूझीलंडसमोर 252 धावांचं लक्ष्य ठेवलं होतं. कर्णधार रोहित शर्माने आघाडीवरून नेतृत्व करत 76 धावा ठोकल्या. श्रेयस अय्यरने 48, केएल राहुलने 34 आणि अखेरच्या टप्प्यात हार्दिक पंड्याने तडाखेबाज 18 धावा काढत भारताला ऐतिहासिक विजय मिळवून दिला.