Nepal Earthquake: म्यानमारनंतर आता नेपाळमध्ये 5.0 रिश्टर स्केलवर तीव्रतेचा भूकंप

Nepal Earthquake: म्यानमारनंतर आता नेपाळमध्ये भूकंपाचे जोरदार धक्के जाणवले. रिश्टर स्केलवर त्याची तीव्रता 5.0 होती. नेपाळसह उत्तर भारतातील अनेक शहरांमध्ये हे भूकंपाचे धक्के जाणवले. दिल्ली-एनसीआरमध्ये देखील लोकांना भूकंपाचे सौम्य धक्के जाणवले. दिल्ली-एनसीआरसह उत्तर भारतात भूकंपाचे धक्के जाणवण्याची ही पहिलीच वेळ नाही. यापूर्वी 17 फेब्रुवारी रोजी राष्ट्रीय राजधानीत भूकंपाचे जोरदार धक्के जाणवले होते. त्यावेळी लोक घराबाहेर पडले होते.

भूकंपाचा केंद्रबिंदू नेपाळमध्ये - 

प्राप्त माहितीनुसार, आज झालेल्या भूकंपाचे केंद्र नेपाळ होते. भूकंप होताच नेपाळ आणि आसपासच्या परिसरात घबराट पसरली. भूकंपाची तीव्रता रिश्टर स्केलवर 5 होती, यावरून आपण अंदाज लावू शकतो की भूकंप किती तीव्र होता. अद्याप जीवित किंवा मालमत्तेच्या नुकसानीचे कोणतेही वृत्त नाही. हा भूकंप सुमारे 20 किलोमीटर खोलीवर होता.

हेही वाचा - Earthquake In Tonga Island: म्यानमार आणि बँकॉकनंतर टोंगा बेटावर 7.0 रिश्टर स्केलचा भूकंप

दिल्ली-एनसीआरसह उत्तर भारतात जाणवले भूकंपाचे धक्के - 

शुक्रवारी झालेल्या भूकंपाचे केंद्र नेपाळ असले तरी, त्याचे धक्के बिहार, उत्तर प्रदेशपासून दिल्ली-एनसीआरपर्यंत जाणवले. दिल्ली-एनसीआर, उत्तर प्रदेश, बिहार देखील भूकंपाने हादरले. 

हेही वाचा - Myanmar-Bangkok Earthquake: म्यानमार आणि थायलंडमध्ये झालेल्या महाविनाशकारी भूकंपात आतापर्यंत 1000 हून अधिक लोकांचा मृत्यू

म्यानमारमध्ये भूकंप महाविनाश - 

दरम्यान, 28 मार्च रोजी म्यानमार-थायलंडमध्ये भूकंपामुळे मोठे नुकसान झाले. म्यानमारमध्ये झालेल्या भूकंपात 3000 हून अधिक लोकांचा मृत्यू झाला. म्यानमारमध्ये झालेल्या भूकंपामुळे झालेल्या विध्वंसानंतर, अनेक देश सतत मदतीचा हात पुढे करत आहेत. भूकंपाच्या दुसऱ्याच दिवशी भारताने म्यानमारमध्ये ऑपरेशन ब्रह्मा सुरू केले.