जगातील सर्वात शक्तिशाली देशाला 'या' आजाराचा विळखा; अनेकांचा मृत्यू

Measles Outbreak In US: अमेरिकेत गोवरचा प्रादुर्भाव झाला आहे. गेल्या तीन दशकांतील गोवरच्या सर्वात मोठ्या लाटेने येथे कहर केला आहे. अमेरिकेतील टेक्सासमध्ये परिस्थिती सर्वात वाईट आहे. येथे या आजारामुळे आणखी एका मुलाचा मृत्यू झाला आहे. माहितीनुसार, या मुलाला गोवरची लसीकरणही करण्यात आले नव्हते. 

लबॉक-आधारित रुग्णालय आणि शैक्षणिक संस्था असलेल्या युनिव्हर्सिटी मेडिकल सेंटर हेल्थ सिस्टमने सांगितले की, गोवरमुळे रुग्णालयात दाखल झालेल्या एका शालेय विद्यार्थ्याचा मृत्यू झाला आहे. याआधी मुलाला इतर कोणताही आजार नव्हता. यापूर्वी, फेब्रुवारीमध्ये टेक्सासमध्ये एका मुलाचा आणि मार्चच्या सुरुवातीला एका प्रौढाचा या आजाराने मृत्यू झाला होता.

हेही वाचा - नारळ पाणी प्यायल्याने 69 वर्षीय व्यक्तीचा मृत्यू; काय आहे आहे नेमकं प्रकरण? जाणून घ्या

टेक्सासमध्ये परिस्थिती गंभीर - 

अमेरिकेच्या रोग नियंत्रण आणि प्रतिबंध केंद्रांनी या वर्षी आतापर्यंत 21 राज्यांमध्ये गोवरच्या 607 प्रकरणांची पुष्टी केली आहे. ही संख्या 2023 च्या एकूण संख्येपेक्षा दुप्पट आहे. टेक्सासमध्ये 481 प्रकरणे नोंदवली गेली आहेत, जी गेल्या काही दशकांमध्ये राज्य पातळीवर सर्वाधिक आहे.

हेही वाचा - इराण-अमेरिका तणाव शिगेला! ट्रम्प यांची इराणला बॉम्ब हल्ल्याची धमकी

गेल्या 30 वर्षातील सर्वात वाईट परिस्थिती - 

बेलर कॉलेज ऑफ मेडिसिनमधील आघाडीचे लसीकरण तज्ज्ञ डॉ. पीटर होटेझ यांनी पीटीआयला सांगितले की, 'जर या वेगाने रुग्णांची संख्या वाढत राहिली तर आपण 2019 च्या उद्रेकाला मागे टाकू आणि गेल्या 30 वर्षातील ही सर्वात वाईट परिस्थिती असेल. दरम्यान, डॉ. पीटर होटेझ यांनी इशारा दिला की, जर लसीकरणाबद्दल चुकीची माहिती दिली गेली तर, हे जगासाठी एक मोठे संकट असेल. यामुळे श्रीमंत देशावर देखील मोठा परिणाम होऊ शकतो.