Gold Price Today: गेल्या काही दिवसांपासून सोन्याच्या दरात सातत्याने वाढ होताना दिसतेय. जागतिक बाजारात चलनवाढ, डॉलरच्या किमतीतील चढ-उतार आणि आंतरराष्ट्रीय घटनाक्रम यांचा परिणाम थेट सोन्याच्या दरांवर होत असल्याने, भारतीय बाजारातही सोने महागले आहे.
आज दिल्ली, मुंबई, चेन्नईसह प्रमुख शहरांमध्ये 24 कॅरेट सोन्याचा भाव पुन्हा एकदा ₹1,00,000 च्या पुढे गेला आहे. दिल्लीत आज 24 कॅरेट सोनं 10 ग्रॅमसाठी ₹1,00,190 या दराने विकलं जात आहे, तर 22 कॅरेटचा भाव ₹91,850 आहे. मुंबई, कोलकाता आणि चेन्नईमध्ये 24 कॅरेटचा भाव ₹1,00,040 आणि 22 कॅरेटचा ₹91,700 एवढा आहे.
राजस्थानची राजधानी जयपूर, चंदीगड आणि लखनऊतही 24 कॅरेट सोनं ₹1,00,190 दराने उपलब्ध आहे. अहमदाबाद आणि भोपाळमध्ये किंमत किंचित कमी असून, 24 कॅरेट सोनं ₹100,090 आणि 22 कॅरेट सोनं ₹91,750 दराने विकलं जात आहे.हैदराबादमध्येही बाजार भाव ₹1,00,040 (24 कॅरेट) आणि ₹91,700 (22 कॅरेट) इतका आहे.
हेही वाचा: Weekly Horoscope July 20 to July 27: श्रावणाची चाहूल, नवी संधी की नवे आव्हान? तुमचं राशीभविष्य काय सांगतं? जाणून घ्या
सोने महागण्यामागची कारणं काय?
सोने आणि चांदीचे दर दररोज बदलत असतात. यामागे विदेशी चलनविषयक व्यवहार, डॉलरच्या किमतीत होणारी चढ-उतार, आयात शुल्क आणि जागतिक अर्थव्यवस्थेतील घडामोडी हे घटक जबाबदार असतात. विशेषतः आंतरराष्ट्रीय बाजारात अस्थिरतेची परिस्थिती निर्माण झाल्यास गुंतवणूकदार शेअर बाजार किंवा शेअर्सऐवजी सोने खरेदी करण्यास प्राधान्य देतात. त्यामुळे मागणी वाढल्याने त्याचा थेट परिणाम भावावर होतो.
भारतात सोन्याचं महत्त्व
भारतीय संस्कृतीमध्ये सोन्याला केवळ मौल्यवान धातू म्हणून नव्हे, तर एक सामाजिक आणि आर्थिक मान्यता आहे. लग्नसमारंभ, सण-उत्सवांमध्ये सोनं शुभ मानलं जातं. कुटुंबाकडे असलेलं सोने त्यांच्या आर्थिक स्थैर्याचं प्रतीक मानलं जातं.
सोन्याने दीर्घकाळात महागाईच्या तुलनेत चांगला परतावा दिला आहे. त्यामुळे गुंतवणुकीसाठी सोने हा नेहमीच सुरक्षित पर्याय मानला जातो. आज जागतिक अस्थिरतेच्या पार्श्वभूमीवर सोने खरेदीसाठी पुन्हा एकदा लोकांचा कल वाढत असल्याचं चित्र आहे.
सोन्याच्या दरातील ही चढ-उतार नेहमीसाठीच लक्षात ठेवावी लागणार आहे. बाजारातील चढ-उतार समजूनच गुंतवणूक केल्यास दीर्घकालीन लाभ मिळण्याची शक्यता असते.