Maharashtra Dam : ऑगस्ट महिन्याच्या सुरुवातीला पावसाने चांगली उघडीप दिली होती. श्रावण सुरू झाल्यानंतरही श्रावणसरी फारशा बरसल्या नव्हत्या. त्यामुळे यंदा पाऊस कमी होतो की काय, अशी धास्ती वाटू लागली होती. मात्र, पावसाने पुन्हा हजेरी लावल्यामुळे धरणांमधील पाणी पातळी पुन्हा वाढू लागली आहे. तर, राज्यातील धरणांमध्ये किती पाणीसाठा जमा झाला आहे हे पाहूया..
आतापर्यंत राज्यातील राधानगरी, उजनी, आढळा, सीना, पांझरा ही धरणे 100 टक्के भरली आहेत. तर, आणखीही काही धरणे 90 टक्क्यांहून अधिक भरली आहेत. पश्चिम महाराष्ट्रातील कोल्हापूर, रत्नागिरी, सिंदुदुर्ग, मुंबई येथे धरण पाणलोट क्षेत्रात जोरदार पाऊस सुरु आहे. त्यामुळे पाणीपातळी आणखी वाढण्याची शक्यता आहे. तसेच, कर्नाटकातील अलमट्टी धरण क्षेत्रातही पाऊस असल्यामुळे धरणातील पाणीसाठा वाढत आहे. येथील पाणी वेगाने वाढू लागल्यास कोल्हापूर, सांगली जिल्ह्यांची चिंता वाढते.
आता विभागनिहाय धरणसाठा पाहिला तर मुंबई, कोकण विभागातील धरणांपैकी मोडक सागर धरण 88.49 टक्के, तानसा धरण 98.08 टक्के, विहार धरण 87.00 टक्के, भातसा धरण 91.36 टक्के, हेटवणे धरण 89.69 टक्के, चासकमान धरण 96.84 टक्के, पानशेत धरण 89.84 टक्के, खडकवासला धरण 50.64 टक्के, मुळशी धरण 83.34 टक्के भरले आहे.
हेही वाचा - Today's Rain Update : धोक्याचा इशारा ! गरज असेल तरच घराबाहेर पडा, हवामान विभागाने दिली मोठी अपडेट
नाशिक विभागातील गंगापूर धरण (Gangapur Dam) 83.43 टक्के, दारणा धरण (Jayakwadi Dam) 82.82 टक्के, करंजवण धरण 91.08 टक्के, गिरणा धरण 66.85 टक्के, हतनूर धरण 42.27 टक्के, ऊकई धरण 68.19 टक्के, भंडारदरा धरण 89.45 टक्के तर निळवंडे धरण 86.43 टक्क्यांवर आहे.
तसेच मराठवाडा आणि नागपूर विभागातील धरणांपैकी उजनी धरण एकूण 101.41 टक्के, कोयना धरण 85.44 टक्के, अलमट्टी धरण 99.43 टक्के, जायकवाडी धरण 94.70 टक्के, मांजरा धरण 82.87 टक्के, सिद्धेश्वर धरण 86.60 टक्के, गोसेखुर्द धरण 43.03 टक्के, तोतला डोह, 65.60 टक्के, खडकपूर्ण 86.56 टक्के, काटेपूर्णा 66.51 टक्के, उर्ध्ववर्धा 62.47 टक्के भरले आहे.
हेही वाचा - MSRTC Earnings : ST ला रक्षाबंधनाची भेट; एका दिवशी 39 कोटींची कमाई; 4 दिवसांत 88 लाख महिलांचा प्रवास