विशाखापट्टणममध्ये झालेल्या टाटा आयपीएल 2025 च्या चौथ्या सामन्यात अक्षर पटेलच्या नेतृत्वाखालील दिल्ली कॅपिटल्सने लखनौ सुपर जायंट्सवर एक विकेटने विजय मिळवला. यामुळे, लखनौ सुपर जायंट्सविरुद्ध दिल्ली कॅपिटल्सने शानदार विजय मिळवताना क्रिकेट चाहत्यांना एक रोमांचक सामना पाहायला मिळाला. मात्र, दिल्ली कॅपिटल्सचा एक नवीन व्हिडिओ व्हायरल झाला आहे, ज्यामध्ये डीसी संघाने केएल राहुलच्या नवजात बाळासाठी अनोख्या पद्धतीने हार्दिक शुभेच्छा दिल्या. चला तर जाणून घेऊया सविस्तर.
के. एल. राहुल आणि दिल्ली कॅपिटल्सचा 'योगायोग':
सोमवारी, 24 मार्च 2025 रोजी, एकीकडे के. एल. राहुलने त्याच्या बाळाचे स्वागत केले तर दुसरीकडे, दिल्ली कॅपिटल्सने याच दिवशी त्यांचा पहिला विजय मिळवला. ज्यामुळे, संघात आनंद आणखी द्विगुणित झाला. दिल्ली कॅपिटल्सने त्यांच्या विजयाचे औचित्य साधून केएल राहुल ला शुभेच्छा देत 'बेबी सेलिब्रेशन' विजय साजरा केला.
दोघांसाठी हा क्षण आहे 'खास':
शेवटची संध्याकाळ केएल राहुल आणि दिल्ली कॅपिटल्सच्या कुटुंबीयांसाठी खूप खास होती. केएल राहुल आणि त्याची पत्नी अथिया शेट्टी त्यांच्या पहिल्या बाळाची आतुरतेने वाट पाहत आहेत, आणि त्यांच्या घरी एका नवजात मुलीचे स्वागत झाल्यामुळे त्यांच्या आनंद द्विगुणीत झाला. या जोडप्यांनी ही आनंदाची बातमी त्यांच्या सोशल मीडियाद्वारे चाहत्यांना दिली. त्यामुळे, या जोडप्यावर आणि नवजात बाळावर चाहत्यांनी प्रेमाचा वर्षाव थांबवू शकले नाहीत.
दिल्ली कॅपिटल्सचा आनंद द्विगुणीत झाला कारण:
दिल्ली कॅपिटल्सने लखनौ सुपर जायंट्सवर रोमांचक विजय मिळवून आयपीएल 2025 च्या प्रवासाची सुरुवात केली, ज्यामुळे त्यांचा आनंद द्विगुणीत झाला. या थरारक सामन्यानंतर, दिल्ली कॅपिटल्सच्या फलंदाजांनी पराक्रम दाखवला आणि शेवटच्या षटकातील रोमांचक सामन्यात विजय मिळवला.
डीसी संघाने दिला केएल राहुलला 'बेबी जेश्चर':
दिल्ली कॅपिटल्सच्या विजयानंतर, संपूर्ण डीसी संघ आणि सपोर्ट स्टाफसोबत मिळून केएल राहुलसाठी एक हृदयस्पर्शी 'बेबी जेश्चर' दिला. दिल्ली कॅपिटल्सने त्यांच्या सोशल मीडिया हँडलवर व्हिडिओ पोस्ट केल्यानंतर, हा व्हिडिओ चाहत्यांची मने जिंकत आहे.