Earthquake In Delhi-NCR प्रतिकात्मक प्रतिमा
Delhi NCR Earthquake: गुरुवारी सकाळी दिल्ली-एनसीआरमध्ये भूकंपाचे जोरदार धक्के जाणवले. सुमारे 10 सेकंदांसाठी जमीन हादरली. यादरम्यान लोक घराबाहेर पडले. मिळालेल्या माहितीनुसार, भूकंपाची तीव्रता 4.4 इतकी होती. भूकंपाचे केंद्र हरियाणातील रोहतक होते. राष्ट्रीय भूकंपशास्त्र केंद्र (NCS) नुसार, भूकंपाचे केंद्र हरियाणातील झज्जर येथे 28.63 उत्तर अक्षांश आणि 76.68 पूर्व रेखांशावर होते, ज्याची खोली 10 किमी होती. दिल्ली व्यतिरिक्त, नोएडा, गाझियाबाद आणि हरियाणातील इतर अनेक शहरांमध्येही भूकंपाचे धक्के जाणवले.
दिल्ली-एनसीआरमध्ये 6 महिन्यांत तिसरा भूकंप
दिल्ली, नोएडा, गाझियाबाद, फरीदाबाद, रोहतक, गुरुग्राम, हिसार, सोनीपत आणि अगदी झज्जर येथे भूकंपाचे धक्के जाणवले. भूकंपामुळे घाबरलेले लोक त्यांच्या घरातून आणि कार्यालयातून बाहेर पडले. गेल्या 6 महिन्यांत तिसऱ्यांदा भूकंपाचे धक्के जाणवले आहेत. यापूर्वी 17 फेब्रुवारी आणि 19 एप्रिल रोजीही भूकंपाचे धक्के जाणवले होते.
हेही वाचा - केंद्रीय गृहमंत्री अमित शाहांनी सांगितला निवृत्तीनंतरचा प्लॅन
हेही वाचा - पंतप्रधान मोदींना नामिबियाचा सर्वोच्च पुरस्कार प्रदान
यापूर्वी, 12 मे रोजी देशातील बिहार आणि उत्तर प्रदेशात भूकंपाचे धक्के जाणवले होते. तज्ज्ञांच्या मते, दिल्ली हिमालयाच्या जवळ असल्याने, भूकंपाच्या बाबतीत हा भाग अत्यंत संवेदनशील मानला जातो. तीव्रतेच्या आधारावर भारतात सुमारे 4 भूकंपीय क्षेत्रे आहेत.