Interesting Things About Sleeping Positions : व्यक्तीची प्रत्येक क्रिया आणि त्याची काम करण्याची पद्धत त्याच्या स्वभाव आणि मानसिकतेला सूचित करते. व्यक्तीच्या खाण्याच्या सवयी, झोपण्याची पद्धत, बोलण्याचा स्वर किंवा आवडी-निवडी त्याच्या आयुष्याशी संबंधित अनेक गोष्टी उलगडतात. कधीकधी भविष्याचाही अंदाज घेता येऊ शकतो.
तुम्हाला हे जाणून आश्चर्य वाटेल की, एखाद्या व्यक्तीची झोपण्याची पद्धत देखील त्याचा स्वभाव आणि आयुष्याबद्दल सांगू शकते. जर तुम्हाला तुमच्या झोपण्याच्या पद्धतीवरून स्वतःशी संबंधित काही गोष्टी जाणून घ्यायच्या असतील तर ही बातमी तुमच्यासाठी आहे.
1. पाय एकात एक बांधून किंवा घट्ट अडकवून झोपणे - शास्त्रांनुसार, जे लोक पाय घट्ट बांधून आणि शरीर झाकून झोपतात, अशा लोकांचे जीवन संघर्षांनी भरलेले असते. असे लोक परिस्थितीनुसार स्वतःला जुळवून घेतात आणि त्यांचे सर्वात मोठे वैशिष्ट्य म्हणजे त्यांचे कार्यक्षम वर्तन. ते सर्वांशी सहजपणे जोडले जातात.
2. हात मागे ठेवून सरळ झोपणे - असे म्हटले जाते की, अशा स्थितीत झोपणारे लोक अधिकाधिक गोष्टी जाणून घेऊ इच्छितात. त्यांना नवीन काम शिकण्यात आनंद मिळतो. त्यांना त्यांचे कुटुंब खूप आवडते.
3. गुडघे पोटाकडे घेऊन शरीर आखडून झोपणे - असे मानले जाते की, जे लोक असे झोपतात ते भित्रे असतात. त्यांना असुरक्षिततेची भावना असते. ते अनोळखी लोकांशी बोलण्यास कचरतात. जो या स्थितीत झोपतो तो आपल्या जीवनात आराम आणि सुरक्षितता शोधत राहतो. जर एखादी व्यक्ती या स्थितीत झोपत असेल तर ती एक अतिविचारी व्यक्ती आहे किंवा खरोखर खूप संवेदनशील किंवा कधीकधी अतिसंवेदनशील असू शकते. अशा लोकांना ड्रग्जचे व्यसन असण्याची शक्यता जास्त असते, असे काहींचे मत आहे.
4. पाठीवर सरळ झोपणे - सरळ पाठीवर झोपणे शुभ मानले जाते. असे म्हटले जाते की, असे लोक आत्मविश्वासाने भरलेले असतात आणि स्वतः आणि लगेच त्यांच्या समस्या सोडवतात. असे लोक कुटुंबाचे प्रमुख असतात. ते आदर्शवादी असतात आणि शिस्तीचे पालन करतात. सैनिकाप्रमाणे सरळ मुद्रेत झोपणारे बरेच लोक आहेत. हे लोक अतिशय कठोर आणि सावध व्यक्तिमत्त्वाचे आहेत. झोपेत अशा प्रकारे झोपणे हे लष्करी जवानासारखे मानले जाते. याचा अर्थ तुम्ही तुमचे जीवन गांभीर्याने घेत आहात आणि तुमचे जीवन योग्य दिशेने जगण्यासाठी खूप अपेक्षा आहेत.
हेही वाचा - तुरटीचे हे सोपे उपाय घरात समृद्धी आणतील; याची पद्धत आणि फायदे जाणून घ्या
5. पाठीवर झोपून पायाची अढी घालून झोपणे - असे म्हटले जाते की, ज्या लोकांना अशा झोपण्याची सवय असते, ते कोणतेही काम करताना इतरांच्या चांगल्या-वाईटाचा विचार करत नाहीत. त्यांच्यात कठोर परिश्रम करण्याची क्षमता असते.
6. दोन्ही पाय पसरून पाठीवर झोपणे - असे मानले जाते की, अशी सवय असलेले लोक त्यांचे काम पूर्ण स्वातंत्र्याने करू इच्छितात. ते जीवनात अनेक यश मिळवतात. त्यांना सुखसोयी आणि सुविधांबद्दल काहीही आसक्ती नसते. अशा लोकांना गप्पा मारायला आवडते.
7. शरीर पांघरुणाने झाकून झोपणे - असे मानले जाते की, असे लोक स्वभावाने लाजाळू असतात आणि त्यांच्या मनात एक अज्ञात भीती असते. हे भित्रे लोक त्यांच्या हृदयात अनेक रहस्ये दडवून ठेवतात.
8. एका बाजूवर/ कुशीवर झोपणे - असे म्हणतात की, असे लोक आत्मविश्वासाने भरलेले असतात. त्यांना त्यांचे काम गुप्तपणे करायला आवडते. ते त्यांच्या गोष्टी कोणाशीही शेअर करत नाहीत आणि त्यांच्या कामाद्वारे अनेक प्रकारचे यश मिळवतात.
9. पोटावर (पालथं) झोपणे - काही लोकांना पालथं झोपण्याची सवय असते. त्याशिवाय त्यांना शांत झोपू शकत नाहीत. पालथं झोपणं ही एक सामान्य पोजिशन मानली जाते. ज्योतिषशास्त्रानुसार जे लोक पोटावर झोपतात ते सोशल आणि अतिशय मनमिळावू असतात. कामाच्या ताणामुळे हे लोक थोडे हतबल होतात. त्यांना स्वतःची टीका ऐकणे आणि इतरांवर टीका करणे आवडत नाही. हे लोक स्वतःला आतून असुरक्षित समजतात. पोटावर झोपण्याचे वैज्ञानिक कारण असे आहे की ते मानेच्या दुखापतींना प्रोत्साहन देते आणि गर्भवती महिलांसाठी हानिकारक असू शकते.
10. डोक्याखाली हात ठेवून झोपणे - अनेकांना हाताची उशी बनवून झोपायला आवडते. अशा लोकांच्या मैत्रीवर विश्वास ठेवायला हरकत नाही. या लोकांचे व्यक्तिमत्त्व खूप आकर्षक असते. बहुतेक लोक यांच्या स्वभावाने आणि शब्दांनी खूप लवकर आकर्षित होतात.
11. उशी घेऊन झोपणे - उशी घेऊन झोपण्याची सवय महिलांमध्ये जास्त असते. जर त्यांच्याकडे उशी नसेल तर त्या त्यांच्या मानेखाली टेडी बेअर घेऊन झोपतील. अशा महिला आनंदी स्वभावाच्या असतात. त्या त्यांच्या नात्याला खूप महत्त्व देतात. त्या सर्व कामे स्वतः करतात. जोडीदार त्यांच्या सर्व गरजा हळूहळू पूर्ण करतो. त्या इतरांसाठीदेखील उपयुक्त आहेत. अशा लोकांना त्या ज्यांच्यावर प्रेम करतात त्यांची चांगली काळजी कशी घ्यावी हेदेखील माहिती असते. हे गुण स्त्री आणि पुरुष दोघांनाही सारखेच लागू होतात.
हेही वाचा - Vastu Tips: स्वयंपाकघरात या वस्तू कधीच ठेवू नयेत! घरातल्या सुख-शांतीला बाधक ठरतात
(Disclaimer : ही बातमी ज्योतिषीय ज्ञानावर आधारित आहे. याद्वारे जय महाराष्ट्र कोणताही दावा करत नाही. अधिक माहितीसाठी तज्ज्ञांशी संपर्क साधावा.)