उन्हाळ्यात घरातील खिडकीजवळ 'ही' झाडे ठेवल्याने मिळेल शुद्ध ऑक्सिजन

सध्या, मार्चपासूनच भारताच्या अनेक मोठ-मोठ्या शहरात उन्हाळ्याची लाट पाहायला मिळत आहेत. त्यासोबतच, वाढत्या प्रदूषणामुळे आणि बांधकामामुळे अनेकांना शुद्ध ऑक्सिजनची कमतरता जाणवत आहे. त्यामुळे अनेकांना श्वसन संबंधित आजार होत आहेत. त्यामुळे अनेक डॉक्टर्स आपल्याला झाडे लावण्यास सांगतात. झाडे लावल्यामुळे दिवसभर शुद्ध ऑक्सिजन मिळते, आजारांपासून संरक्षण होते आणि त्यासोबतच, आपल्याला सकारात्मकता जाणवते. चला तर जाणून घेऊया उन्हाळ्यात घरातील खिडकीजवळ कोणती झाडे लावल्याने आपल्याला शुद्ध ऑक्सिजन मिळते. 

हेही वाचा: आता घरगुती पद्धतीने मच्छरांपासून सुटका! जाणून घ्या जादुई उपाय

1 - कडुनिंब:

कडुनिंब हे फक्त झाड नाही, तर औषधी झाड आहे. कडुनिंब लावल्याने आपल्याला मोठ्या प्रमाणात ऑक्सिजन मिळते, रक्त शुद्ध करते, त्यासोबतच रोगप्रतिकारशक्ती वाढवते. कडुनिंबाच्या पानांचा उपयोग पचनसंबंधित समस्या, मधुमेह, यासारख्या अनेक समस्या दूर करतात. कडुनिंबामध्ये असलेल्या  अँटी-बॅक्टेरियल आणि अँटी-फंगलमुळे, शरीरातून विषारी घटक बाहेर येते. घरी कडूनिंबाचे झाड लावल्यामुळे जंतू निघून जातात. 

2 - अश्वगंधा:

घरी अश्वगंधाचे झाड लावल्याने शरीरात ऊर्जा येते, मानसिक ताण-तणाव कमी करण्यास मदत करते आणि रोगप्रतिकारशक्ती वाढवण्यास फायदेशीर असते. अश्वगंधाचे नियमित सेवन केल्याने छान झोप लागते. त्यासोबतच, शरीरात स्फूर्ती येते. अश्वगंधा लावल्यामुळे घरात सकारात्मकता जाणवते. 

3 - तुळस:

तुळस केवळ एक झाड नसून औषधीय आणि गुणकारी झाड आहे. तुळशीचे नियमित सेवन आरोग्यसाठी खूप फायदेशीर असते. तुळशीच्या पानांचे नियमित सेवन केल्याने रोगप्रतिकारशक्ती वाढते, त्यासोबतच पचनक्रिया चांगली होते, सर्दी-खोकला आणि ताप यासारख्या समस्यांवर मात करते. तुळशीच्या झाडाचे सांस्कृतिक आणि धार्मिक महत्वदेखील आहे. 

4 - कोरफड (Aloe Vera):

कोरफड (Aloe Vera) त्वचेसोबतच, केसांसाठी आणि आरोग्यासाठी खूप फायदेशीर असते. कोरफडमुळे (Aloe Vera) त्वचा मऊ आणि चमकदार होते. त्यासोबतच, पचनसंबंधित समस्या आणि जखम भरून काढण्यास मदत करते. कोरफड (Aloe Vera) शुद्ध हवा देण्याचे काम करते, ज्यामुळे घरात स्वच्छ आणि सकारात्मक वातावरण होते. कोरफडचे (Aloe Vera) वैशिष्ट्य म्हणजे, हे झाड कमी पाण्यातदेखील वाढते. 

Disclaimer : ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.