सांगली : सांगली मिरज कुपवाड शहर महानगरपालिका क्षेत्रातील सांगली मिरज रस्ता ते सिनर्जी हॉस्पिटल हनुमान मंदिर ते एस. टी. वर्कशॉप ते कारंजा ते चिमणी रस्त्याचे लोकार्पण विधानसभा अध्यक्ष ॲड. राहुल नार्वेकर यांच्या हस्ते झाले. त्यांच्या हस्ते रस्ता कामाच्या कोनशिलेचे अनावरण करण्यात आले.
हेही वाचा : केंद्र सरकारकडून 'या' परदेशी ब्रिड्सचे श्वान घरात पाळण्यास बंदी
यावेळी खासदार विशाल पाटील, आमदार इद्रिस नायकवडी, आमदार सुरेश खाडे, आमदार डॉ. विश्वजीत कदम, महापालिका आयुक्त शुभम गुप्ता, मिरजचे उपविभागीय अधिकारी उत्तम दिघे, महानगरपालिका अतिरिक्त आयुक्त रविकांत अडसूळ, सार्वजनिक बांधकाम विभागाचे कार्यकारी अभियंता क्रांतिकुमार मिरजकर, शहर अभियंता पृथ्वीराज चव्हाण, समित कदम, डॉ. रवींद्र आरळी आदि उपस्थित होते. या रस्ते सुधारणा कामासाठी रक्कम रूपये एक कोटी, 83 लाख, 20 हजार खर्च आला. या कामांतर्गत 700 मीटर खडीकरण, एम. पी. एम. आदि कामे करण्यात आली.