मुंबई: मे महिन्यात सुरू झालेल्या अवकाळी पावसामुळे जनजीवन विस्खळीत झाले आहे. सोमवारी सकाळी मुंबईमध्ये मुसळधार पाऊस पडला. यामुळे रस्ते आणि रेल्वे रुळांवर पाणी साचले होते. विमान वाहतुक उशिरा धावल्याने प्रवाशांना प्रवास करणे मुश्किल झाले, अशी माहिती अधिकाऱ्यांनी दिली. गेल्या काही दिवसांपासून शहरात मुसळधार पाऊस पडत आहे. अशातच, सोमवारी अवकाळी पावसाचे आगमन झाल्याने या आठवड्यातही पावसाची शक्यता वर्तवण्यात आली आहे. 1956 नंतर 2025 मध्ये शहरात सर्वात लवकर दाखल होणारा पाऊस आहे. सोमवारी, आयएमडीने मुंबईसाठी येलो अलर्ट जारी केला आहे. तसेच, सोमवारी झालेल्या मुसळधार पावसाने रस्ते अक्षरक्ष: पाण्याखाली गेले होते आणि वाहतूक पावसाच्या पाण्यातून जात होती.
मुसळधार पावसामुळे विमान उड्डाणांना विलंब:
सकाळपासून सुरू असलेल्या मुसळधार पावसामुळे अनेक विमान उड्डाणांना विलंब झाला असून याबद्दल एअर इंडिया आणि स्पाइसजेट सारख्या विमान कंपन्यांनी प्रवाशांसाठी सूचना देखील जारी केल्या आहेत. 'मुंबई (BOM) मधील खराब हवामानामुळे (मुसळधार पावसामुळे) सर्व निर्गमन/आगमन आणि त्यांच्या परिणामी येणाऱ्या उड्डाणांवर परिणाम होऊ शकतो. प्रवाशांना http://spicejet.com/#status द्वारे त्यांच्या फ्लाइटची स्थिती तपासण्याची विनंती करण्यात येत आहे', असे स्पाइसजेटने एक्सवर पोस्ट केले.
'मुंबईतील विमान वाहतुकीवर पाऊस आणि वादळाचा परिणाम होत आहे. प्रवासाचा अनुभव सुरळीत व्हावा यासाठी, आम्ही आमच्या प्रवाशांना विमानतळावर जाण्यापूर्वी त्यांच्या विमानाची स्थिती तपासण्यासाठी प्रोत्साहित करतो', अशी माहिती एअर इंडियाने एक्सवर दिली आहे.
रेल्वे वाहतुकीवर परिणाम:
मुसळधार पावसामुळे रेल्वे रुळांवर मोठ्या प्रमाणात पाणी साचले आहे. ज्यामुळे लोकल गाड्यांच्या सेवांना विलंब झाला आहे, ज्या त्यांच्या ज्या त्यांच्या नियोजित वेळेपेक्षा 5 ते 10 मिनिटे उशिराने धावल्या होत्या. मध्य रेल्वेच्या मुख्य मार्गावरील कल्याणकडे जाणाऱ्या स्लो गाड्या सुमारे पाच मिनिटे उशिराने धावत आहेत. छत्रपती शिवाजी महाराज टर्मिनसकडे जाणाऱ्या जलद गाड्या सुमारे 10 मिनिटे उशिराने धावत आहेत. तसेच, हार्बर आणि पश्चिम मार्गावरील गाड्या देखील अशाच प्रकारे उशिराने धावत आहेत, अशी माहिती अधिकाऱ्यांनी दिली.
गेल्या आठवड्यापासून मुंबईत मुसळधार पाऊस तसेच अनेक भागात पाणी साचले आहे. बृहन्मुंबई महानगरपालिकेने (बीएमसी) रहिवाशांना आवश्यक नसल्यास बाहेर पडू नये, असे आवाहन केले आहे. याशिवाय, बीएमसी आणि म्हाडाने पावसाळ्यासाठी 96 इमारती असुरक्षित म्हणून चिन्हांकित केल्या आहेत आणि या इमारतींमध्ये राहणाऱ्या सुमारे 3,100 लोकांना सुरक्षित ठिकाणी स्थलांतरित करण्यास सांगितले आहे.
मुंबईतील पावसाने 'मे' महिन्यातील जुने विक्रम मोडले:
मुंबईतील पावसाने मे महिन्यातील 107 वर्षांचा जुना विक्रम मोडला आहे. याचे कारण म्हणजे सोमवारी, कुलाबा वेधशाळेत 95 मिमी पावसाची नोंद झाली होती, जी मे 1918 मध्ये नोंदलेल्या 279. 4 मिमीच्या मागील विक्रमानंतरची सर्वाधिक आहे. आतापर्यंत, या महिन्यात सांताक्रूझ स्थानकावर 197.8 मिमी पावसाची नोंद झाली आहे. या स्थानकावर मे महिन्यात सर्वाधिक 387.8 मिमी पाऊस पडला होता, जो 2000 मध्ये नोंदला गेला होता.
मुंबईमध्ये अवकाळी पावसाचे आगमन:
25 मे रोजी महाराष्ट्रात अवकाळी पावसाचे आगमन झाले, जे अधिकृतपणे अंदाजित तारखेपेक्षा 10 दिवस आधी होते, जे राज्यात त्याचे सर्वात लवकर आगमन होते. सोमवारी, नैऋत्य मान्सूनने मुंबईतही धडक दिली, जी 11 जून या अधिकृत तारखेपेक्षा खूप लवकर आली, असे आयएमडीने म्हटले आहे. 1956 नंतर शहरात मान्सूनचे हे सर्वात लवकर आगमन होते. मुंबईत पावसाचे आगमन 29 मे (1956), 31 मे (1990), 29 मे (1962), 29 मे (1971), 31 मे (2006) रोजी झाले होते.