यावर्षी शाहरुख खान, अक्षय कुमारला मागे टाकून 'या' अभिनेत्याने भरला सर्वाधिक कर

Amitabh Bachchan Became Highest Tax Paying Celebrity In India: बिग बी अमिताभ बच्चन यांनी पुन्हा एकदा एक मोठा विक्रम आपल्या नावावर केला आहे. 2024-25 या आर्थिक वर्षात ते भारतातील सर्वाधिक कर भरणारे सेलिब्रिटी ठरले आहेत. यावेळी त्यांनी अभिनेता शाहरुख खान आणि सलमान खान यांना मागे टाकेले आहे. अमिताभ बच्चन यांचे नाव अशा सेलिब्रिटींमध्ये समाविष्ट आहे जे नेहमीच वेळेवर कर भरतात. 

अमिताभ बच्चन यांनी किती कमाई केली आणि किती कर भरला? 

बॉलिवूड अभिनेते अमिताभ बच्चन यांच्याकडे उत्पन्नाचे अनेक स्रोत आहेत. चित्रपटांव्यतिरिक्त, ते प्रामुख्याने कौन बनेगा करोडपती, ब्रँड एंडोर्समेंट इत्यादी शोमधून कमाई करतात. याशिवाय त्यांनी रिअल इस्टेट इत्यादींमध्येही गुंतवणूक केली आहे. या वर्षी त्याची एकूण कमाई 350 कोटी रुपये आहे. या उत्पन्नावर अमिताभ बच्चन यांनी 120 कोटी रुपये कर भरला.

हेही वाचा - महाकुंभात 30 कोटी रुपये कमावणाऱ्या नाविकाला आयकर विभागाची नोटीस; काय आहे प्रकरण? वाचा

गेल्या वर्षी अमिताभ बच्चन यांनी किती कर भरला?

दरम्यान, चित्रपटसृष्टीतील सर्वात जास्त मागणी असलेले अभिनेते अमिताभ बच्चन यांनी गेल्या वर्षी 71 कोटी रुपये कर भरला. गेल्या वर्षीच्या तुलनेत यावर्षी त्यांनी भरलेल्या कराचे मूल्य 69 टक्क्यांनी वाढले आहे. 2024 25 या आर्थिक वर्षात त्याच्या कमाईत मोठी वाढ झाली आहे. यामागील कारण, म्हणजे अमिताभ बच्चन अनेक मोठ्या ब्रँड तसेच चित्रपटांच्या जाहिरातींसाठी पहिली पसंती बनले आहेत. ज्यामुळे ते इंडस्ट्रीतील सर्वाधिक कमाई करणाऱ्या व्यक्तींपैकी एक ठरले असून या वर्षी त्यांनी 350 कोटी रुपये कमावले आहेत.

हेही वाचा - दररोज 27 कोटी रुपयांपर्यंत देणगी देणारे भारतातील सर्वात श्रीमंत मुस्लिम उद्योगपती तुम्हाला माहित आहेत का?

गेल्या वर्षी शाहरुख खानने भरला सर्वाधिक कर -  

दरम्यान, गेल्या आर्थिक वर्षात सर्वाधिक कर भरणाऱ्या सेलिब्रिटींमध्ये शाहरुख खानचे नाव अव्वल स्थानावर होते. गेल्या वर्षी शाहरुख खानने 92 कोटी रुपये कर भरला होता. तथापि, गेल्या वर्षी, सर्वाधिक कर भरणाऱ्या सेलिब्रिटींमध्ये अमिताभ बच्चन यांचे नाव चौथ्या स्थानावर होते.