या आठवड्यात (फेब्रुवारी 10 ते 16 फेब्रुवारी 2025) ओटीटी प्लॅटफॉर्म्सवर रोमांस, ऍक्शन, फँटसी आणि ड्रामाने भरलेली मनोरंजनाची मेजवानी प्रेक्षकांसाठी सज्ज आहे. नव्या कथा, उत्कंठावर्धक ट्विस्ट आणि प्रतिभावान कलाकारांच्या जोरावर ही चित्रपटं आणि मालिका प्रेक्षकांना खिळवून ठेवतील. नात्यांची गुंतागुंत, ऍक्शनचा थरार आणि फँटसीची जादू यांचा संगम असलेल्या या प्रदर्शनांमध्ये आपल्याला नक्कीच पाहायला आवडेल असानवीन काहीतरी सापडेल.
Dhoom Dhaam (Netflix)
प्रदर्शन तारीख: 14 फेब्रुवारी 2025
शैली: ऍक्शन थ्रिलर
कलाकार: यामी गौतम, प्रतीक गांधी, पवित्र सरकार, एजाज खान, साहिल गंगुर्डे, इस्माईल खान, प्रतीक बब्बर, सनाया पिठावाला, मुस्तफा अहमद.
Dhoom Dhaam हा चित्रपट नवविवाहित जोडपं कोयल आणि वीर यांच्या थरारक रात्रीची गोष्ट सांगतो. त्यांच्या लग्नाच्या रात्री अनोळखी हल्लेखोर त्यांचा पाठलाग करत असतात आणि त्यांना एका रहस्यमय पात्र चार्लीबद्दल सत्य शोधायचं असतं. रोमांस, हसणं आणि ऍक्शनचा मेळ साधणारा हा चित्रपट प्रेक्षकांना खिळवून ठेवेल.
Marco (Sony LIV)
प्रदर्शन तारीख: 14 फेब्रुवारी 2025
शैली: निओ-नोयर ऍक्शन थ्रिलर
कलाकार: उन्नी मुकुंदन, कबीर दुहान सिंग, युक्ती थरेजा, जगदीश, रियाज खान, अन्सन पॉल, शम्मी थिलकन, अर्जुन नंधकुमार, सिद्दीक, स्रीजित रवी, लिशॉय, अजित कोशे, दिनेश प्रभाकर.
Marco मध्ये, मारको ज्युनियर आपल्या आंधळ्या भावाच्या हत्येचा बदला घेण्यासाठी गुन्हेगारी जगात प्रवेश करतो. त्याचा भाऊ व्हिक्टर, हल्लेखोर रसेल आयझॅकला ओळखतो पण हत्येपूर्वीच मारला जातो. स्टायलिश सिनेमॅटोग्राफी आणि जबरदस्त ऍक्शनसाठी हा चित्रपट विशेष ओळखला जातो.
Pyaar Testing (ZEE5)
प्रदर्शन तारीख: 14 फेब्रुवारी 2025
शैली: रोमँटिक कॉमेडी
कलाकार: सत्यजित दुबे, प्लबिता बोर्थाकूर, नीलू डोग्रा, गौरव सिकरी.
Pyaar Testing मध्ये ध्रुव आणि अमृता हे जोडपं सहजीवनाचा निर्णय घेतं. लग्नाआधीच एकमेकांच्या स्वभावाची चाचणी घेण्यासाठी ते एकत्र राहतात आणि त्यातून अनेक गमतीशीर आणि विचारप्रवर्तक प्रसंग घडतात.
Bobby Aur Rishi Ki Love Story (Disney+ Hotstar)
प्रदर्शन तारीख: 11 फेब्रुवारी 2025
शैली: रोमँटिक ड्रामा
कलाकार: कावेरी कपूर, वर्धन पुरी, निशा आलिया, अतुल शर्मा, सिंडी बामरा
कुणाल कोहली दिग्दर्शित हा चित्रपट केंब्रिजमध्ये प्रेमात पडलेल्या बॉबी आणि ऋषीच्या अधुरी प्रेमकथेवर आधारित आहे. अनेक वर्षांनी ते पुन्हा भेटतात आणि त्यांच्या भावनांचा प्रवाह उलगडतो.
Kadhalikka Neramillai (Netflix)
प्रदर्शन तारीख: 11 फेब्रुवारी 2025
शैली: रोमँटिक कॉमेडी
कलाकार: जयम रवि, नित्या मेनन, टी. जे. भानू, विनय राय, विनोधिनी वैद्यनाथन, जॉन कोक्केन, लक्ष्मी रामकृष्णन, योगी बाबू, लाल, विद्युलेखा रमन, मनो, लिझी अँटोनी
किरुथिगा उदयनिधी दिग्दर्शित हा चित्रपट एका आर्किटेक्ट श्रीया हिच्या आयुष्यातील गमतीशीर प्रसंग दाखवतो. IVF द्वारे सिंगल मदर बनलेली श्रीया आणि स्ट्रक्चरल इंजिनिअर सिड यांच्यात चुकून निर्माण झालेल्या नात्याची कहाणी हा चित्रपट सादर करतो.
My Fault: London (Prime Video)
प्रदर्शन तारीख: 13 फेब्रुवारी 2025
शैली: रोमँटिक ड्रामा
कलाकार: आशा बँक्स, मॅथ्यू ब्रूम, अमेलिया केनवर्थी, जेसन फ्लेमिंग, करीम हसन, एन्झा लुईस, रे फियरॉन, हॅरी गिल्बी, जॉर्ज रॉबिन्सन, टालुला इव्हान्स
स्पॅनिश हिट "My Fault" चा हा लंडन रिमेक आहे. १८ वर्षीय नोआ तिच्या आईसोबत लंडनला स्थलांतर करते आणि तिथे तिचा बंडखोर सावत्र भाऊ निक ह्याच्याशी तिचं अनोखं नातं निर्माण होतं.
The Witcher: Sirens of the Deep (Netflix)
प्रदर्शन तारीख: 11 फेब्रुवारी 2025
शैली: अॅनिमेटेड फँटसी
कलाकार: डग कॉकल, अन्या चलोत्रा, ख्रिस्तिना व्रेन, जोई बॅटी, एमिली कॅरी, ब्रिटनी इशिबाशी
अॅनिमेटेड फँटसी चित्रपटात, गेराल्ट ऑफ रिव्हिया एका समुद्रकिनाऱ्यावर झालेल्या हल्ल्यांची चौकशी करतो. मानवी आणि मत्स्यलोकांच्या संघर्षामुळे तणाव वाढतो आणि गेराल्टला त्यावर तोडगा काढायचा असतो.