Free AI Tool: टेक्नॉलॉजी प्रेमींना आता मोठा आनंद देणारी बातमी आली आहे. प्रसिद्ध उद्योजक एलॉन मस्क यांनी त्यांच्या कंपनी xAI च्या मल्टीमॉडल AI टूल Grok Imagine ला जगभरातील वापरकर्त्यांसाठी मोफत उपलब्ध करून दिले आहे. या टूलमुळे वापरकर्ते टेक्स्टपासून इमेज तयार करू शकतात तसेच इमेजवरून थोड्या वेळात AI व्हिडिओ तयार करू शकतात. काही दिवसांपूर्वी या टूलचे लॉन्च झाले होते आणि सुरुवातीला हे फक्त प्रीमियम वापरकर्त्यांसाठी, iOS आणि नंतर Android वापरकर्त्यांसाठी उपलब्ध होते.
Grok Imagine वापरणे अतिशय सोपे आहे. वापरकर्त्यांना फक्त स्मार्टफोनमध्ये Grok अ‍ॅप डाउनलोड किंवा अपडेट करणे आवश्यक आहे. अ‍ॅपमध्ये इमेजिन टॅबमध्ये जाऊन, टेक्स्ट बॉक्समध्ये आपली कल्पना किंवा इमेज अपलोड करून AI च्या मदतीने त्याचे रूपांतर करता येते. याशिवाय, तयार केलेल्या इमेजवर Make Video ऑप्शन वापरून सुमारे 15 सेकंदांचे व्हिडिओ सहज तयार करता येतात.
हेही वाचा: Cyber Crime Prevention: तुमच्या नावावर अनधिकृत सिम कार्ड ? आताच तपासा नाहीतर जावं लागेल तुरुंगात
एलन मस्क अनेकदा स्वतःच्या ट्विटर टाइमलाइनवर Grok Imagine वापरून तयार केलेले व्हिडिओ शेअर करत असतात, ज्यामुळे या टूलची लोकप्रियता झपाट्याने वाढत आहे. आता मोफत उपलब्ध झाल्यामुळे जगभरातील लाखो वापरकर्त्यांना AI इमेज आणि व्हिडिओ क्रिएशनची संधी मिळेल.
तंत्रज्ञानातील या नवकल्पनेमुळे क्रिएटिव्हिटीला नवीन उंची मिळाली आहे. लेखक, ग्राफिक डिझायनर, शाळा-महाविद्यालये तसेच AI च्या साहाय्याने सोशल मीडिया कंटेंट तयार करणार्‍यांसाठी Grok Imagine हे अत्यंत उपयुक्त ठरणार आहे. वापरकर्ते केवळ कल्पनाशक्तीवर अवलंबून आपले कंटेंट तयार करू शकतात.
हेही वाचा: WhatsApp New Feature 2025: ऑफिस मीटिंग्स आणि फॅमिली कॉल्ससाठी व्हॉट्सअॅपचा नवा सुपर फीचर; जाणून घ्या
एलन मस्कच्या या निर्णयामुळे, आधी जे प्रीमियम फीचर होते, ते आता सर्वांसाठी मर्यादित कालावधीसाठी मोफत मिळत आहे. त्यामुळे AI साधने वापरण्यात रस असलेल्या प्रत्येकासाठी ही संधी अनमोल आहे. तंत्रज्ञानाच्या या क्रांतीत आता प्रत्येक वापरकर्ता स्वतःचा डिजिटल आर्ट, व्हिडिओ आणि क्रिएटिव्ह प्रोजेक्ट्स सहज तयार करू शकतो.