Sunday, August 31, 2025 07:54:59 AM

राजा रघुवंशी हत्याकांडात नवा ट्विस्ट! मॅजिस्ट्रेटसमोर 2 आरोपींनी बदलले जबाब

राजा रघुवंशी हत्येप्रकरणी अटक करण्यात आलेले आकाश राजपूत आणि आनंद कुर्मी या दोन आरोपींनी न्यायालयात त्यांचा पूर्वीचा कबुलीजबाब मागे घेतला आहे. त्यामुळे आता या प्रकरणाला एक नवीन वळण मिळाले आहे.

राजा रघुवंशी हत्याकांडात नवा ट्विस्ट मॅजिस्ट्रेटसमोर 2 आरोपींनी बदलले जबाब
Edited Image

Raja Raghuvanshi Murder Case: राजा रघुवंशी हत्या प्रकरणात मोठा ट्विस्ट आला आहे. मेघालय पोलिसांनी दावा केला होता की, सोनम रघुवंशीसह 5 आरोपींनी त्यांचा गुन्हा कबूल केला आहे. परंतु, आता हत्येप्रकरणी अटक करण्यात आलेले आकाश राजपूत आणि आनंद कुर्मी या दोन आरोपींनी न्यायालयात त्यांचा पूर्वीचा कबुलीजबाब मागे घेतला आहे. त्यामुळे आता या प्रकरणाला एक नवीन वळण मिळाले आहे. तथापि, पोलिसांचे म्हणणे आहे की त्यांच्याकडे आरोपींविरुद्ध पुरेसे भौतिक पुरावे आहेत, ज्याच्या आधारे एक मजबूत खटला तयार केला जात आहे. पोलिसांनी आता या प्रकरणात इंदूर येथून आणखी तीन आरोपी लोकेंद्र सिंह तोमर, सिलोम जेम्स आणि बल्लू अहिरवार यांना अटक केली आहे. तिघांवरही पुरावे नष्ट केल्याचा आरोप आहे.

काय आहे नेमकं प्रकरण? 

इंदूरचा व्यापारी राजा रघुवंशी 20 मे रोजी हनिमूनसाठी त्यांची पत्नी सोनमसोबत मेघालयात आला होता. 23 मे रोजी हे जोडपे बेपत्ता झाले आणि 2 जून रोजी राजा रघुवंशीचा मृतदेह एका खोल खड्ड्यात विद्रूप अवस्थेत आढळला. पोलिस तपासात असे दिसून आले की हा कट राजाची पत्नी सोनम आणि तिचा प्रियकर राज कुशवाह यांनी आखला होता. 

हेही वाचा - महिला पोलीस अधिकाऱ्याचा विनयभंग केल्याने भाजपा पदाधिकारी अटकेत, चित्रा वाघ यांचा संताप

दरम्यान, सोनमने तिच्या पतीला मारण्यासाठी 20 लाख रुपयांची सुपारी दिल्याचा आरोप आहे. कटात सहभागी असलेले विशाल सिंग चौहान, आकाश राजपूत आणि आनंद कुर्मी यांनी सोनमच्या उपस्थितीत राजा यांच्यावर चाकूने वार केले आणि मृतदेह खड्ड्यात फेकून दिला. सुरुवातीच्या चौकशीत आकाश आणि आनंद यांनी त्यांची भूमिका मान्य केल्याचा दावा पोलिसांनी केला होता, परंतु 26 जून रोजी त्यांना दंडाधिकाऱ्यांसमोर दोघांनीही कोणतेही जबाब देण्यास नकार दिला. 

हेही वाचा - नराधम बापाचा मुलीवर अत्याचार; लोणावळ्यातील धक्कादायक घटना

राज रघुवंशी प्रकरणात 8 आरोपींना अटक - 

या प्रकरणात पोलिसांनी सोनम आणि राजसह आठ जणांना अटक केली आहे, ज्यात तीन कंत्राटी किलर आणि पुरावे नष्ट करणारे तीन आरोपी आहेत. पोलिसांनी इंदूरमध्ये अनेक ठिकाणी छापे टाकले आणि एक देशी बनावटीचे पिस्तूल, दोन मॅगझिन आणि जिवंत काडतुसे जप्त केली. पोलिस आता डीएनए रिपोर्ट, कॉल रेकॉर्ड, जीपीएस डेटा आणि इतर तांत्रिक पुराव्यांच्या आधारे आरोपपत्र तयार करत आहेत, जे लवकरच न्यायालयात सादर केले जाईल. 
 


सम्बन्धित सामग्री