Tourists Die After Drowning In Sea at Sindhudurg District: सिंधुदुर्ग जिल्ह्यात समुद्रात बुडून दोन पर्यटकांचा मृत्यू झाल्याची घटना समोर आली आहे. मालवणमधील तारकर्ली समुद्रकिनाऱ्यावर पुण्यातील पाच पर्यटक आंघोळीसाठी समुद्रात गेले होते. पाच पर्यटकांपैकी तीन जण आंघोळीसाठी समुद्रात गेले. तिन्ही पर्यटक खोल पाण्यात गेले, त्यानंतर ते बुडू लागले. तिघांना बुडताना पाहून स्थानिक लोकांनी त्यांना वाचवण्याचा प्रयत्न केला. तथापि, यातील एका पर्यटकाला स्थानिक लोकांनी वाचवले, तर दोन पर्यटकांचा बुडून मृत्यू झाला.
हेही वाचा - दहावीच्या परीक्षार्थींना क्रिकेट मॅचेस ध्वनिक्षेपक आवाजाचा त्रास
प्राप्त माहितीनुसार, स्थानिक लोकांच्या सल्ल्याला न जुमानता हे पर्यटक समुद्राच्या खोल पाण्यात गेले होते. स्थानिक लोकांनी त्यांना खोल समुद्रात जाऊ नका असे सांगितले होते. परंतु या पर्यटकांनी कोणाचेही ऐकले नाही. परिणामी ही दुर्घटना घडली. शनिवारी दुपारी 12 वाजता ही घटना घडली. पोलिसांनी दिलेल्या माहितीनुसार, पुण्यातील पाच पर्यटक तारकर्ली समुद्रकिनाऱ्यावर आंघोळीसाठी आले होते. पाचपैकी तीन पर्यटक खोल समुद्रात आंघोळीसाठी गेले. समुद्रकिनाऱ्यावरील स्थानिक रहिवाशांनी त्यांना खोल समुद्रात न जाण्याचा सल्ला दिला होता. परंतु, याकडे दुर्लक्ष करून हे पर्यटक खोल समुद्रात आंघोळ करायला गेले.
पाण्यात बुडाल्याने दोन पर्यटकांचा मृत्यू -
पर्यटक बुडताना पाहून स्थानिक लोकांनी त्यांना वाचवण्याचा प्रयत्न केला. स्थानिकांनी तीन पर्यटकांपैकी एकाला वाचवले, परंतु, दोघांना वाचवण्यात स्थानिकांना अपयश आले. दरम्यान, असे अपघात वारंवार घडत असतात. परंतु प्रशासन त्याकडे दुर्लक्ष करत असल्याबद्दल स्थानिक नागरिकांनी नाराजी व्यक्त केली आहे.
हेही वाचा - परिवहन मंत्री प्रताप सरनाईक यांचा ST संदर्भात मोठा निर्णय
या दुर्घटनेत शुभम सुशील सोनवणे (हडपसर, पुणे) आणि रोहित बाळासाहेब कोळी (हडपसर, पुणे) यांचा बुडून मृत्यू झाला. तसेच ओंकार रामचंद्र भोसले (पुणे) यांची प्रकृती गंभीर आहे. त्यांना उपचारासाठी सिंधुदुर्ग जिल्हा रुग्णालयात दाखल करण्यात आले आहे.