तोंडाला वास येतो म्हणून कच्चा कांदा खाणं टाळताय? याचे जबरदस्त फायदे जाणून व्हाल थक्क!

Raw Onion Benifits : जवळपास प्रत्येक घरातील स्वयंपाकघरात कांदा असतोच. त्याचा वापर स्वयंपाकात एक भाग म्हणून केला जातो. कारण, कांद्याशिवाय बहुतेक भाज्या किंवा पदार्थांना चव येत नाही. काही लोक आवडीने कच्चा कांदा खातात, तर काही त्यापासून दूरच राहतात. मात्र, आरोग्याच्या दृष्टीने कच्चा कांदा खाण्याचे अनेक फायदे आहेत. त्यामुळे तुम्हीही तोंडाला वास येतो, म्हणून कच्चा कांदा खाण्याचे टाळत असाल, तर ही बातमी तुमच्यासाठी आहे.

कांद्याचे गुणधर्म
कांदा अँटीऑक्सिडंट्सने समृद्ध असतो. त्यात व्हिटॅमिन सी देखील मोठ्या प्रमाणात असते, जे शरीरासाठी खूप फायदेशीर आहे.त्याचप्रमाणे, कांद्यामध्ये अँटीबायोटिक गुणधर्म असतात.हे गुणधर्म त्वचाविकार बरे करण्यास मदत करतात. ज्यांना वजन कमी करायचे आहे, त्यांना आहारात कांद्याचा समावेश केल्याने फायदा होईल, कारण कांद्यामध्ये कमी कॅलरीज असतात. प्रत्येकाने आपल्या रोजच्या आहारात कांद्याचा समावेश करावा. तुम्ही तो कच्चा खाऊ शकता किंवा भाज्यांमध्ये वापरू शकता. मात्र, जास्त प्रमाणात कांदा खाणे चांगले नाही आणि त्याचे सेवन मर्यादित प्रमाणातच करावे.

कांद्यामुळे हे फायदे होतात
हिरवा कांदा किंवा कांद्याची पात आपल्या शरीरासाठी खूप चांगली असते. हा कच्चा कांदा भीती नियंत्रित करण्यास मदत करू शकतो, विशेषतः ज्यांना भीती वाटण्याची समस्या आहे. एवढेच नाही, तर कच्चा कांदा आपल्या सौंदर्यासाठीही मदत करू शकतो. त्या सुचवतात की, जर कांद्याचा रस केसांना लावला तर केस वाढण्यास मदत होते.

हृदयासाठी उपयोगी
कांद्यामधील सल्फर संयुगांमध्ये हृदयाचे संरक्षण करणारे गुणधर्म आहेत, रक्तदाब नियंत्रित करतात आणि रक्त गोठण्यास प्रतिबंध करण्यास मदत करतात. कांद्यात सल्फर संयुगे आणि क्वेर्सेटिन भरपूर प्रमाणात असतात. याचा शरीराला ऑक्सिडेटिव्ह ताणाचा सामना करण्यास उपयोग होतो.

हेही वाचा - दुपारी जेवल्यानंतर डुलकी येते? ही आहे शरीराची नैसर्गिक प्रक्रिया.. आजाराचं लक्षण नाही

मधुमेहींना फायदा
कांद्यामध्ये आढळणारे सल्फर संयुगे, क्वेर्सेटिन व खनिज क्रोमियम इन्सुलिन संवेदनशीलता सुधारतात आणि इन्सुलिन प्रतिरोध रोखतात किंवा नियंत्रित करतात, असे त्या म्हणाल्या. तसेच, कच्च्या कांद्याचे सेवन आपल्या पेशींचे संरक्षण करते आणि दाहकता (सूज येणे किंवा लालसरपणा येणे) कमी करते. याचा मधुमेहींनाही फायदा होऊ शकतो.

कच्चा कांदा खाल्ल्यास रोगप्रतिकारशक्ती वाढते
लिंबाचा रस व काळ्या मिरीसह कांदे खाणे खूप चांगले आहे. यामुळे रोगप्रतिकारक शक्ती खूप चांगली होते. ज्यांना नेहमी सर्दी होण्याचा त्रास आहे, त्यांच्यासाठी हे फायदेशीर आहे. कच्चा कांदा रोज लिंबू आणि मिरीसोबत खाल्ला तर सर्दी होणे आश्चर्यकारकरीत्या कमी होईल. 

पचनक्रिया चांगली होते
ज्यांची पचनक्रिया चांगली आहे त्यांच्यासाठी कांदे हा एक उत्तम आहार आहे. कारण कांदा आतड्यांमधील चांगल्या बॅक्टेरियांसाठीही योग्य आहार आहे. कारण- त्यात फायबरचे प्रमाण जास्त असते. त्यामुळे आतड्यांचे एकूण आरोग्य सुधारते आणि निरोगी आतडे ही निरोगी शरीराची गरज आहे.

हेही वाचा - पपईच्या बिया फेकून देताय? जरा थांबा.. मधुमेहापासून कोलेस्टेरॉलपर्यंत सर्वांवर आहेत गुणकारी, 'अशा' पद्धतीने खा

यांनी कांदा खाण्यापूर्वी तज्ज्ञांचा सल्ला घ्यावा
- कांद्याचे अनेक आरोग्यदायी फायदे आहेत; परंतु ज्यांना अन्न नीट पचत नाही अशा काही लोकांना कांद्याच्या सेवनामुळे काही पचनाच्या समस्या होऊ शकतात.
- कमी आम्ल पातळी (low acid levels), अॅसिड रिफ्लक्स किंवा आयबीएस यांसारख्या आतड्यांसंबंधीची समस्या असलेल्या लोकांमध्ये कांदा खाण्यामुळे पोटफुगी, गॅस किंवा छातीत जळजळ होऊ शकते. अशा परिस्थितीत कच्चा कांदा टाळावा.
 - कांद्यामध्ये रक्त पातळ करण्याचे गुणधर्म असतात आणि त्यामुळे ते रक्ताच्या गुठळ्या रोखण्यासाठी फायदेशीर ठरतात. पण, रक्त पातळ करणारी औषधे घेणार्‍यांनी कोणत्याही औषधांशी प्रक्रिया होऊ नये यासाठी आपल्या आहारतज्ज्ञ व डॉक्टरांचा सल्ला घेणे योग्य ठरेल.

(अस्वीकरण : ही बातमी सामान्य माहिती आणि घरगुती उपचारांवर आधारित आहे. याचा अवलंब करण्यापूर्वी डॉक्टरांचा सल्ला जरूर घ्यावा.)