हिवाळ्यातील थंड वारे सुरू असताना आपल्याला ताजे तवाने वाटते खरं परंतु हीच हवा तुमच्या त्वचेसाठी आणि मेकअप दिनचर्यासाठी तुम्हाला नाराज करते . कारण थंड वातावरण, घरातील कोरडे किंवा तीव्र वारे यामुळे तुमचा रंग कोरडा आणि निस्तेज होऊ शकतो. त्याचबरोबर अशावेळी त्वचा तडतडते ,आग होते त्यामुळे मॉईश्चरायजर किंवा कोल्ड क्रिम लावल्याशिवाय आपल्याला ठीक वाटत नाही. अशावेळी मेकअप केला तरी त्वचा तडतडते आणि या क्रीम्सचा वापर करून सुद्धा चेहरा आणखी कोरडा आणि रखरखीत दिसायला लागतो. थंडीचा परिणाम ओठांवरही तितकाच प्रखरपणे पाहायला मिळतो कारण ओठ फुटलेले असल्याने ओठांची सालपटे निघतात आणि अशात आपण लिपस्टीक लावली तर हे ओठ आणखीनच कोरडे पडण्याची शक्यता असते आणि विचित्र दिसू लागतात .
पण हिवाळ्यातील हवामानामुळे तुमचं सौंदर्य कमी होऊ देऊ नका कारण या हवामानात देखील आपल्या मेकअपला ताजगी आणि चमकदार ठेवणं पूर्णपणे शक्य आहे! योग्य पद्धती आणि साहित्य वापरून तुम्ही तुमच्या सौंदर्याला एका चांगल्या प्रकारे सांभाळू शकता आणि सर्दीच्या कडक हवामानातही तुमचा मेकअप कायम ठेऊ शकता. तुम्हाला ग्लोइंग, डेवी लूक हवा असो किंवा बोल्ड, या हिवाळ्यातल्या मेकअप टिप्स तुमच्या त्वचेला हायड्रेटेड ठेवतील आणि तुम्हाला थंड हवेच्या तावडीत देखील ताजेतवाने आणि आकर्षक बनवतील.
जाणून घेऊया सर्दीच्या महिन्यात मेकअपसाठी आवश्यक टिप्स!
1. हायड्रेशन ही महत्त्वाची गोष्ट
हिवाळ्यात त्वचा मोठ्याप्रमाणात कोरडी पडू शकते. म्हणूनच, मेकअप करण्याआधी त्वचेला हायड्रेट करणे अत्यंत आवश्यक आहे. तुम्ही एक चांगला, हायड्रेटिंग मॉइश्चरायझर वापरून आपल्या त्वचेवर लावा . हायड्रेटिंग प्रायमरसुद्धा वापरा, जे तुमच्या मेकअपला दीर्घकाळ टिकवून ठेवण्यासाठी आणि त्वचेच्या नैसर्गिक नमीला लॉक करण्यासाठी मदत करेल.
2. क्रीमी फाउंडेशन वापरा
हिवाळ्यात क्रीमी फाउंडेशन वापरणं अत्यंत फायदेशीर ठरते. आणि त्यामागचं कारण म्हणजे पावडर फाउंडेशन चांगले परिणाम देत नाही ते त्वचेवरील कोरडीपणाला अजून जागृत करते आणि तुमची त्वचा रखरखीत दिसून येते. हायड्रेटिंग लिक्विड फाउंडेशन वापरण्यामुळे तुमची त्वचा हायड्रेटेड राहील आणि मेकअप चांगला दिसेल.
3. हाइड्रेटिंग सेटिंग स्प्रे वापरा
तुम्ही तुमच्या मेकअपसाठी हायड्रेटिंग सेटिंग स्प्रे वापरण्याचा विचार करा कारण हे तुमच्या मेकअपला ताजं आणि फ्रेश ठेवण्यास मदत करेल. तसेच,यामुळे त्वचेला हायड्रेशन मिळेल आणि मेकअप दीर्घकाळ टिकेल.
4. मुलायम एक्सफोलिएशन
हिवाळ्यात त्वचेवर ड्राय स्किन आणि मुरकुंडी होऊ शकते, जे मेकअपमध्ये अडथळा आणतात. मुलायम एक्सफोलिएशन करून थंडीमुळे झालेली कोरडी मृत त्वचा काढून टाका ज्यामुळे त्वचा स्वच्छ आणि चमकदार दिसेल.हे नेमकं करायचं कसं तर बियाणे, कॉफी, पावडर, साखरेचे कण किंवा कॅन्डेलीला मणी यांसारखे लहान, बारीक कण वापरून ते चेहऱ्यावर हळुवार हाताने लावा आणि मसाज द्या असे केल्याने घाण जाईल आणि त्वचेच्या मृत पेशी निघून जातील. तेलकट त्वचेसाठी शारीरिक एक्सफोलिएशन सर्वोत्तम आहे, कारण ते तेलाचे कोणतेही थर काढून टाकण्यास मदत करते.
5. ओठांना हायड्रेट करा
हिवाळ्याच्या हवामानात ओठ कोरडे होतात आणि फाटतात. ओठांना हायड्रेट करण्यासाठी नियमितपणे लिप बाम लावा. लिपस्टिक लावण्यापूर्वी, लिप स्क्रब किंवा टूथब्रशने ओठ मऊ करा. सर्दीच्या महिन्यात क्रीमी लिपस्टिक वापरणं जास्त उत्तम ठअसते कारण मॅट लिपस्टिक ओठ अजून कोरडे करतात.
6. हलके हायलाईटर वापरा
सर्दीचा ऋतू त्वचेवर थोडं डस्की आणि चिकट दिसू शकतं. यासाठी हायलाईटर वापरून तुम्ही चेहऱ्यावर नैसर्गिक ग्लो आणू शकता. उच्च बिंदूंवर हायलाईटर लावल्याने तुमचं चेहरा ताजा आणि एक वेगळा लुक दिसेल. क्रीमी किंवा लिक्विड हायलाईटर वापरल्याने नैसर्गिक हवेचे धुलीकण चेहऱ्यावर लवकर जाऊन बसतात आणि मेकअप खराब करतात.
7. कंटोरिंग टाळा
सर्दीच्या महिन्यांत मेकअप साधा आणि नैसर्गिक ठेवणं महत्त्वाचं आहे. हॉट, ब्रॉन्जी ब्लश वापरा आणि हलक्या हाताने त्याचा वापर करा. हे तुमचा चेहरा उबदार आणि ताजं ठेवण्यास मदत करेल. कंटोरिंग कमी प्रमाणात करा, कारण त्याने चांगली रंगत येत नाही जी हिवाळ्याच्या दिवसात असावी लागते.
8. NATURAL , उबदार आयशॅडो शेड्स वापरा
हिवाळ्याच्या ऋतूत, उबदार आयशॅडो शेड्स वापरणं अधिक योग्य आहे. ब्राऊन, गोल्ड, टॉप आणि सॉफ्ट लाल रंगांच्या आयशॅडो शेड्स वापरून तुमचा चेहरा ताजा आणि चांगला दिसेल. थोड्या लाल किंवा मऊ गुलाबी शेड्ससुद्धा चांगल्या दिसतील अति भडक शेड्स मेकअप लुक बिघडवू करू शकतात.
9. तुमचे हात चेहऱ्यापासून दूर ठेवा
सर्दीच्या महिन्यात त्वचा जास्त संवेदनशील आणि कोरडी होऊ शकते, त्यामुळे चेहऱ्यावर हात न लावण्याचा प्रयत्न करा. यामुळे त्वचेवरचे घाण आणि तेलकट होणार नाही, आणि त्यामुळे तुमच्या त्वचेवर पिंपल्स होण्याची शक्यता कमी होईल.
11. मेकअप ब्रश्सना उबदार करा
मेकअप ब्रशेस चांगले आणि समर्पक लागू होण्यासाठी, ब्रशला उबदार करा. थंड ब्रशेसमुळे मेकअप वेगळा आणि ठिगळाने लागू होऊ शकतो. ब्रश हाताने गरम करून म्हणजेच हातावर घासून त्याला उबदार बनवा किंवा कोमट पाण्यातून धुऊन वापरा.
12. हायड्रेशनसाठी पाणी प्या
फक्त स्किनकेअर किंवा मेकअप उत्पादनांनीच हायड्रेशन मिळवता येत नाही. पाणी प्यायल्याने तुमच्या त्वचेला आंतरिक हायड्रेशन मिळेल आणि त्यामुळे मेकअप चांगला दिसेल.
हिवाळ्याच्या दिवसात तुमचा मेकअप ताजा आणि आकर्षक ठेवण्यासाठी हायड्रेशन आणि योग्य उत्पादने वापरणं महत्त्वाचं आहे. या टिप्सचा अवलंब करून तुम्ही हिवाळ्याच्या ऋतूमध्ये देखील तुमच्या त्वचेला आणि मेकअपला एक चमकदार आणि ताजा लुक देऊ शकता!