प्रवाशी नेहमीच नियमबाह्य रिक्षा आणि टॅक्सीमुळे त्रासलेले असतात. अनेकवेळा प्रवाशांना या रिक्षा- टॅक्सी चालकांचा त्रास देखील सहन करावा लागतो. यातच आता सरकारने मोठा निर्णय घेतलाय. मुंबईत नियमबाह्य भाडे आकारणाऱ्या किंवा गैरवर्तन करणाऱ्या रिक्षा आणि टॅक्सी चालकांबद्दल तक्रारीसाठी एक नवीन व्हाट्सअप नंबर सुरू करण्यात येणार आहे. परिवहन मंत्री प्रताप सरनाईक यांनी ही घोषणा केली आहे. प्रवाशांनी आपल्या गैरसोयबाबत या नंबरवर आपली तक्रार नोंदवावी, असे आवाहन परिवहन मंत्री प्रताप सरनाईक यांनी केले आहे. ते वांद्रे पूर्व मतदार संघातील बांद्रा, खार व इतर रेल्वे स्थानक परिसरात रिक्षा व टॅक्सी चालकांच्या अरेरावी संदर्भात बोलवलेल्या बैठकीत बोलत होते. यावेळी वांद्रे पूर्व भागाचे लोकप्रतिनिधी वरुण सरदेसाई व मोटार परिवहन विभागाचे अधिकारी उपस्थित होते.
हेही वाचा: लाडकी बहीण योजनेवर काय म्हणाले उपमुख्यमंत्री?
सध्या अंधेरी प्रादेशिक विभागासाठी 9920240202 हा व्हाट्सअप क्रमांक प्रदर्शित करण्यात आला आहे. तथापि, प्रादेशिक विभाग निहाय व्हाट्सअप हेल्पलाईन क्रमांक प्रदर्शित न करता पुर्ण मुंबई महानगर विकास प्राधिकरण क्षेत्रामध्ये एकच व्हाट्सअप एका आठवड्यात प्रदर्शित करावा आणि त्याला व्यापक प्रसिद्धी द्यावी. जेणेकरून प्रवासी आपल्या तक्रारी संबंधित व्हाट्सअप नंबर वर करतील. तक्रार असलेल्या रिक्षा अथवा टॅक्सी चालकाला परिवहन विभागाने नोटीस पाठवणे आवश्यक आहे. या तक्रारीची गंभीरता लक्षात घेऊन गरज पडल्यास त्याचा परवाना देखील रद्द करण्याची कारवाई करावी, असे निर्देश परिवहन विभागाला मंत्री सरनाईक यांनी दिले आहेत.
दरम्यान प्रवाशांच्या असुविधेवर परिवहन खात्याने हे महत्वाचं पाऊल उचललं असून याचा मोठा फायदा प्रवाशांना होणार आहे. अनेकवेळा प्रवाशांना या रिक्षा- टॅक्सी चालकांचा त्रास देखील सहन करावा लागतो. यातच आता सरकारने मोठा निर्णय घेतलाय. मुंबईत नियमबाह्य भाडे आकारणाऱ्या किंवा गैरवर्तन करणाऱ्या रिक्षा आणि टॅक्सी चालकांबद्दल तक्रारीसाठी एक नवीन व्हाट्सअप नंबर सुरू करण्यात येणार आहे. त्यामुळे आता थोड्याफार प्रमाणात का होईना प्रवाशांना दिलासा मिळणार आहे.