Incidents of Communal Tension in Maharashtra: नागपूर येथे अलिकडेच झालेल्या जातीय हिंसाचाराच्या बातमीने संपूर्ण राज्यात तसेच देशभरात खळबळ उडाली. दंगलखोरांनी शहरात मोठ्या प्रमाणात हिंसाचार आणि जाळपोळ केली. त्यानंतर पोलिसांनी या प्रकरणात मोठ्या संख्येने आरोपींना अटक केली आहे. आता अधिकाऱ्यांनी महाराष्ट्रातील जातीय तणावाशी संबंधित एक मोठी आकडेवारी शेअर केली आहे. अधिकाऱ्यांच्या मते, 2025 मध्ये जानेवारीपासून आतापर्यंत महाराष्ट्रात जातीय तणावाच्या 823 घटना घडल्या आहेत. या घटनांमध्ये नागपूरमध्ये अलिकडेच झालेल्या हिंसाचाराचाही समावेश आहे.
2025 मध्ये जातीय हिंचासाराच्या किती घटना घडल्या?
जानेवारी महिन्यात महाराष्ट्रातील विविध भागात झालेल्या जातीय तणावासंदर्भात पोलिस ठाण्यांमध्ये एकूण 156 गुन्हेगारी गुन्हे दाखल झाले आहेत. त्याच वेळी, फेब्रुवारी महिन्यात जातीय तणावाबाबत 99 गुन्हे दाखल झाले आणि मार्चच्या मध्यापर्यंत 78 गुन्हे दाखल झाले. अधिकाऱ्याच्या मते, धार्मिक कारणांमुळे घडलेल्या 102 प्रकरणांना दखलपात्र गुन्हे म्हणून सूचीबद्ध करण्यात आले आहे.
हेही वाचा -Nagpur Violence: अंधाराचा फायदा घेत महिला पोलिसाचा विनयभंग
2024 मध्ये जातीय हिंचासाराच्या किती घटना घडल्या?
पोलिस अधिकाऱ्याने दिलेल्या माहितीनुसार, 2024 मध्ये महाराष्ट्रात हिंदू-मुस्लिमांशी संबंधित 4836 सांप्रदायिक गुन्ह्यांच्या घटना नोंदवल्या गेल्या. यापैकी 170 घटना दखलपात्र होत्या आणि 3106 अदखलपात्र प्रकरणे होती. अधिकाऱ्याच्या मते, यापैकी 371 घटना धार्मिक अपमानाशी संबंधित होत्या.
हेही वाचा - हिंसाचारानंतर नागपुरात तणावपूर्ण शांतता
औरंगजेबाच्या कबरीवरून नागपुरात हिंसाचार -
दरम्यान, 17 मार्चच्या रात्री नागपूर शहरातील अनेक भागात दगडफेक आणि जाळपोळीच्या घटना घडल्या. वास्तविक, छत्रपती संभाजीनगर जिल्ह्यात असलेले मुघल सम्राट औरंगजेबाची कबर हटवण्याची मागणी सनातनींनी केली होती. यासंदर्भात नागपूरमध्ये विहिंपच्या निषेधार्थ औरंगजेबाचा पुतळा जाळण्यात आला. तथापि, या काळात एक अफवा पसरली की, पवित्र ग्रंथातील ओळी असलेले एक पत्रक जाळले जात आहे. यानंतर हिंसक जमावाने शहरात खूप गोंधळ घातला. या हिंसाचारात अनेक लोक जखमी झाले. नागपूर हिंसाचाराच्या संदर्भात आतापर्यंत 100 हून अधिक आरोपींना अटक करण्यात आली आहे.