पुणे : पुण्याजवळील प्रसिद्ध सिंहगड किल्ल्यावर एक दुर्दैवी घटना घडली असल्याची भीती व्यक्त केली जात आहे. हैदराबादहून आलेल्या गौतम गायकवाड नावाचा पर्यटक मित्रांसोबत फिरण्यासाठी आला होता. तानाजी कड्यावर असताना तो लघुशंकेसाठी जात असल्याचे मित्रांना सांगून गेला. मात्र, तो परतलाच नाही. मित्रांनी शोध केला असता, एका ठिकाणी कड्याजवळ त्याची चप्पल सापडली आहे. यावरून गौतम तानाजी कड्यावरून पाय घसरून खोल दरीत कोसळल्याची भीती व्यक्त करण्यात येत आहे.
पुण्याजवळच्या प्रसिद्ध सिंहगड किल्ल्यावर एक दुर्दैवी घटना घडल्याचे बोलले जात आहे. हैदराबादहून आलेल्या एक पर्यटक तानाजी कड्यावरून पाय घसरून खोल दरीत कोसळल्याची धक्कादायक घटना घडल्याचे सांगण्यात येत आहे. गौतम गायकवाड (24) असे या तरुणाचे नाव आहे. तो मूळचा साताऱ्याच्या फलटण येथील आहे. ही घटना बुधवारी सायंकाळी घडली. सध्या पोलीस आणि बचाव पथकांकडून गौतम याचा शोध सुरू आहे.
हेही वाचा - Pune Water Logging: पुण्यातील एकता नगर सोसायटीमध्ये शिरलं पाणी, नागरिकांची तारांबळ
घडलेली घटना अशी..
गौतम गायकवाड हा आपल्या चार मित्रांसोबत हैदराबादहून पुणे आणि आसपासच्या ठिकाणी फिरण्यासाठी आला होता. हे सर्व मित्र बुधवारी दुपारी साडेचारच्या सुमारास सिंहगड किल्ल्यावर पोहोचले. संध्याकाळच्या वेळी ते तानाजी कड्याच्या दिशेने गेले. त्यावेळी गौतमने मित्रांना लघुशंकेसाठी जातो असे सांगितले आणि तो थोड्या अंतरावर गेला. मात्र, बराच वेळ झाला तरी तो परतला नाही. त्यामुळे त्याच्या मित्रांनी त्याचा शोध सुरू केला.
पोलिसांची तातडीने घटनास्थळी पोहोचले
यानंतर जवळच असलेल्या हवा पॉइंटजवळ गौतमची चप्पल सापडली. मात्र, तो कुठेही दिसला नाही. यामुळे घाबरलेल्या मित्रांनी तात्काळ 100 नंबरवर फोन करून पोलिसांना या घटनेची माहिती दिली. पोलिसांनी तातडीने घटनास्थळी धाव घेतली. हवेली पोलीस स्टेशनचे पोलीस निरीक्षक सचिन वांगडे यांनी पीएसआय दिलीप शिंदे आणि त्यांच्या टीमला घटनास्थळी पाठवले. हवेली आपत्ती व्यवस्थापन, मावळा जवान संघटना आणि वनविभागाचे कर्मचारी देखील मदतीसाठी आले.
अद्याप गौतम सापडलेला नाही, शोधकार्य सुरू
सिंहगड परिसरात गेल्या काही दिवसांपासून जोरदार पाऊस आणि वेगाने वारे वाहत आहेत. यामुळे, वाऱ्याचा वेग आणि निसरड्या जमिनीचा अंदाज न आल्याने गौतमचा पाय घसरून तो दरीत कोसळला असावा, असा प्राथमिक अंदाज वर्तवला जात आहे. बचाव पथकाने रात्री उशिरापर्यंत गौतमचा शोध घेण्याचा प्रयत्न केला, परंतु मुसळधार पाऊस आणि अंधारामुळे त्यांना शोधकार्य थांबवावे लागले. गुरुवारी सकाळी सहा वाजता पुन्हा एकदा बचावकार्य सुरू करण्यात आले आहे. मात्र अद्याप गौतम सापडलेला नाही. त्यामुळे या घटनेमुळे सिंहगड परिसरात हळहळ व्यक्त होत आहे. गौतम सुखरूप मिळावा, यासाठी युद्धपातळीवर बचावकार्य सुरू आहे.
हेही वाचा - Pune Dahihandi Video Viral : श्रीकृष्ण जन्माष्टमीचा प्रचंड उत्साह; मात्र, गर्दीच्या पुरामुळे चेंगराचेंगरीची भीती
सिंहगड किल्ल्यावर गौतम गायकवाड नावाचा एक तरुण कोसळल्यानंतर बेपत्ता झाला. यानंतर मोठ्या प्रमाणात शोध मोहीम सुरू आहे. आपत्ती व्यवस्थापन पथके, स्थानिक पोलीस आणि सुमारे 80 ग्रामस्थांनी 24 तासांहून अधिक प्रयत्न करूनही तो तरुण अद्याप सापडलेला नाही.