Sunday, August 31, 2025 09:08:25 AM

प्रसाद ओकने गाजवलं 2024 वर्ष

प्रसाद ओक याने 2024 वर्ष गाजवलं

प्रसाद ओकने गाजवलं 2024 वर्ष

मुंबई : प्रसाद ओक याने 2024 वर्ष गाजवलं ते म्हणजे धर्मवीर 2 या चित्रपटाने! आदरणीय धर्मवीर आनंद दिघे यांची भूमिका त्याने साकारली आणि या भूमिकेला प्रेक्षकांनी पुन्हा एकदा भरभरून प्रेम दिलं. जगभरातून या भूमिकेला उदंड प्रतिसाद मिळाला आणि प्रसादने साकारलेली भूमिका दमदार ठरली. प्रसाद कायमच वेगवेगळ्या विषय असलेल्या चित्रपटात भूमिका करताना दिसतो आणि अशीच एक भूमिका असलेला हा चित्रपट होता.

आगामी वर्षात प्रसाद अभिनेता म्हणून वेगवेगळ्या चित्रपटात दिसणार आहेच पण तो एका धमाल चित्रपटाचं दिग्दर्शन करताना ही दिसणार आहे. सुशीला – सुजीतची कथा देखील प्रसाद ओकनेच लिहिली आहे. दिग्दर्शक आणि कथा लेखन अशी दुहेरी भूमिका सुशीला - सुजीतमध्ये प्रसाद साकारताना दिसणार आहे. हा चित्रपट 18 एप्रिल 2025 ला प्रेक्षकांच्या भेटीला येणार आहे.

हेही वाचा : Sunny Leone | सनी लिओनी लाडकी बहीण योजनेची लाभार्थी ?

प्रसाद 2024 बद्दल सांगताना म्हणतो, "वेगळ्या विषयांवरचे आणि चांगले चित्रपट आले की प्रेक्षक त्याला उत्तम प्रतिसाद देतातच. गेल्या 2/3 वर्षात आलेले धर्मवीर, चंद्रमुखी, बाईपण भारी देवा, झिम्मा, धर्मवीर 2, सरसेनापती हंबीरराव, वाळवी, वेड, नाच गं घुमा, नवरा माझा नवसाचा 2, फुलवंती, ये रे ये रे पैसा, पावनखिंड अशा अनेक चित्रपटांनी हे सिद्ध केलं. सरतं वर्ष उत्तम गेलं. येणारे वर्षही उत्तमच जमणार मराठी प्रेक्षक चांगले सिनेमे नक्की उचलून धरणार.

नवीन वर्षाची सुरुवात प्रसाद जिलबीया सस्पेन्स थ्रिलर चित्रपटाने करणार असून या चित्रपटात तो एका उद्योगपतीची भूमिका करताना दिसतोय. 17 जानेवारी 2025ला जिलबी चित्रपट प्रदर्शित होणार असून प्रसाद एका वेगळ्याच भूमिकेत यामध्ये दिसणार आहे.

जय महाराष्ट्र न्यूजच्या थेट संपर्कात राहण्यासाठी  व्हॉट्सअप चॅनेल वर क्लिक करा.

 

2025 हे वर्ष प्रसादसाठी चित्रपटमय ठरणार यात शंका नाही. जिलबी, गुलकंद, वडा पाव, मीरा आणि महापरिनिर्वाण या चित्रपटांमधून अभिनय, तर सुशीला सुजीत, पठ्ठे बापूराव, भद्रकाली, आणि निळू फुले यांच्यावरचा चरित्रपट अशा विविध चित्रपटांचं दिग्दर्शन प्रसाद येणाऱ्या वर्षात करणार आहे.


सम्बन्धित सामग्री