नवी दिल्ली: भारतीय वायुदलाने नियंत्रण रेषेवर पाकिस्तानकडून वाढत्या कुरापतींना आणि दहशतवादी हालचालींना ठोस उत्तर देताना 'ऑपरेशन सिंदूर' अंतर्गत एक अत्यंत अचूक आणि धाडसी हल्ला केला. या कारवाईत भारतीय वायुदलाने पाकिस्तानच्या रावलपिंडी येथील नूर खान एअरबेसवर निशाणा साधत पाकिस्तानला चक्रावून सोडले.
7 ते 10 मे दरम्यान झालेल्या या कारवाईत भारतीय लष्कराच्या अंदाजानुसार सुमारे 35 ते 40 पाकिस्तानी सैनिक ठार झाले. पाकिस्तानने स्वतः 11 जवानांच्या मृत्यूची कबुली दिली असून 78 हून अधिक जवान जखमी झाले आहेत.
ही कारवाई केवळ सामरिक विजय नव्हे, तर पाकिस्तानला दिलेला एक स्पष्ट संदेश आहे. भारत आता सहन करणार नाही. नियंत्रण रेषेवर दहशतवादाला पाठबळ देणाऱ्या देशाला भारताने निर्णायक उत्तर दिले आहे.
पाकिस्तान आर्मीचे मरण पावलेले जवान:
1. नायक अब्दुल रहमान
2. लांस नायक दिलावर खान
3. लांस नायक इक़रामुल्लाह
4. नायक वकार खालिद
5. सिपाही मोहम्मद अदील अकबर
6. सिपाही निसार
पाकिस्तान एअरफोर्सचे मरण पावलेले अधिकारी:
1. स्क्वाड्रन लीडर उस्मान यूसुफ
2. चीफ टेक्नीशियन औरंगजेब
3. सीनियर टेक्नीशियन नजीब
4. कॉरपोरल टेक्नीशियन फारूक
5. सीनियर टेक्नीशियन मुबाशिर
ही यशस्वी कारवाई एअर चीफ मार्शल अमर प्रीत सिंह यांच्या नेतृत्वाखाली पार पडली. त्यांनी या मिशनसाठी स्वतः सर्वोत्तम पायलटांची निवड केली व संपूर्ण रणनीती आखली. त्यांना राष्ट्रीय सुरक्षा सल्लागार अजित डोभाल यांची अंतिम मंजुरी मिळाली होती.
या मिशनचे एक विशेष वैशिष्ट्य म्हणजे भारतीय पायलट ए. पी. सिंह यांचे योगदान. 'नूर खान अटॅक' चा नायक ठरलेले सिंह यांनी निर्णायक क्षणी शेवटचा वार करण्याचा सल्ला दिला आणि तो निर्णायक ठरला.
सर्वात महत्त्वाचे म्हणजे या ऑपरेशनमध्ये सहभागी झालेले सर्व भारतीय जवान आणि पायलट सुरक्षितपणे परतले, हे भारताच्या सैनिकी कौशल्याचे आणि नियोजनशक्तीचे जिवंत उदाहरण आहे.
‘ऑपरेशन सिंदूर’ हे भारताच्या सामरिक ताकदीचे, शौर्याचे आणि दृढ निर्णयशक्तीचे प्रतीक आहे. भारताने पुन्हा एकदा सिद्ध केले आहे की, देशाच्या सुरक्षेवर कुणीही आक्रमण केल्यास त्याला योग्य वेळी, योग्य ठिकाणी आणि योग्य पद्धतीने प्रत्युत्तर दिले जाईल.