पुणे: बॉलिवूड अभिनेत्री संगीता बिजलानी यांच्या लोणावळ्यातील फार्महाऊसमध्ये चोरांनी तोडफोड करत त्यांच्या घरातून अनेक मौल्यवान वस्तू चोरल्या. अभिनेत्री अनेक दिवसांपासून फार्महाऊसला भेट दिली नव्हती. जेव्हा अभिनेत्री तिथे पोहोचली तेव्हा ती घराची अवस्था पाहून थक्क झाली. संगीताने लोणावळा ग्रामीण पोलिसांकडे चोरीची तक्रार दाखल केली आहे, त्यानंतर पोलिसांनी आता या प्रकरणाचा तपास सुरू केला आहे. संगीताचे फार्महाऊस लोणावळाजवळील पवन मावळ परिसरात आहे. ही घटना घडली तेव्हा संगीता किंवा तिचे नोकर घटनास्थळी उपस्थित नव्हते.
संगीता बिजलानी यांच्या फार्महाऊसमध्ये चोरी
पुणे ग्रामीण पोलिसांकडे दाखल केलेल्या तक्रारीनुसार, अभिनेत्री संगीता बिजलानी यांनी सांगितलं की, 'फार्महाऊसचा मुख्य दरवाजा आणि खिडकीच्या ग्रिल तुटलेल्या होत्या. एक टीव्ही सेट गायब होता, बेड आणि रेफ्रिजरेटरसह अनेक मौल्यवान घरगुती वस्तू गायब होत्या. तसेच सीसीटीव्ही कॅमेरेही तुटलेले होते.'
हेही वाचा - ना जिम, ना व्यायाम! तारक मेहता‌च्या जेठालालने 45 दिवसांत कमी केलं 16 किलो वजन
तथापी, संगीताने पुणे ग्रामीण एसपी संदीप सिंग गिल यांना सांगितले की, 'माझ्या वडिलांच्या प्रकृतीच्या समस्येमुळे मी फार्म हाऊसमध्ये जाऊ शकले नाही... पण, आज मी माझ्या दोन घरकाम करणाऱ्यांसोबत फार्म हाऊसमध्ये गेले तेव्हा मला दिसले की मुख्य गेट तुटलेला होता. आम्ही आत गेलो तेव्हा घरातील मौल्यवान वस्तू चोरीला गेल्या होत्या.'
हेही वाचा - सलमान खानने वांद्रे येथील अपार्टमेंट विकले; किती रुपयांमध्ये झाला व्यवहार? जाणून घ्या
हिंदी चित्रपटसृष्टीतील अभिनेत्री संगीता बिजलानीने वयाच्या अवघ्या 16 व्या वर्षी मॉडेलिंग सुरू केले. 1980 मध्ये मिस इंडियाचा किताब जिंकल्यानंतर संगीता बॉलिवूडमध्ये दाखल झाली. त्यानंतर ती 'त्रिदेव', 'विष्णु देवा' आणि 'युगंधर' सारख्या चित्रपटांमध्ये दिसली. 80 आणि 90 च्या दशकात बॉलिवूडमध्ये सक्रिय असलेल्या संगीताने तिच्या कारकिर्दीत 'हथियार', 'योद्धा', 'इज्जत' आणि 'युगंधर' यासह अनेक चित्रपटांमध्ये काम केले.