SC On Kangana Ranaut: चित्रपट अभिनेत्री आणि भाजप खासदार कंगना राणौतला सर्वोच्च न्यायालयाकडून दिलासा मिळाला नाही. शेतकरी चळवळीशी संबंधित प्रकरणावरील मानहानीच्या याचिकेवर सुनावणी करण्यास सर्वोच्च न्यायालयाने नकार दिला आहे. कंगनाने ही याचिका स्वतः मागे घेतली असून न्यायालयाने स्पष्ट केले की, त्यांच्या ट्विटवर भाष्य करणे खटल्यावर परिणाम करू शकते. न्यायालयाने म्हटले, 'हे फक्त साधे रिट्विट नव्हते. त्यात तुमची टिप्पणीदेखील समाविष्ट होती, तुम्ही ते मसालेदार केले आहे.'
कंगनाविरुद्ध हा मानहानीचा दावा 73 वर्षीय महिंदर कौर यांनी 2021 मध्ये पंजाबच्या भटिंडा न्यायालयात दाखल केला होता. तक्रारीत म्हटले होते की कंगनाने रिट्विट करत महिंदर कौरवर बदनामीकारक आरोप केले. कंगनाने ट्विटमध्ये म्हटले होते की ती बिल्किस बानोची आजी आहे, जी शाहीन बागच्या निषेध मोर्चात सहभागी होती, जे चुकीचे असल्याचे प्रकरणात नोंदले गेले.
हेही वाचा - Karishma Sharma Accident : चालत्या ट्रेनमधून पडली अभिनेत्री, रुग्णालयातील फोटो व्हायरल, कशी आहे आता तब्येत ?
न्यायमूर्ती विक्रम नाथ आणि संदीप मेहता यांच्या खंडपीठाने कंगनाला याचिका मागे घेण्याचा सल्ला दिला, जो तिने स्वीकारला. न्यायालयाने तिच्या वकिलाला सूचित केले की, ट्विटवरील स्पष्टीकरण कनिष्ठ न्यायालयात दिले जाऊ शकते. तथापी, कंगनाच्या वतीने वकिलांनी पुढील युक्तिवाद केला. परंतु न्यायालयाने फटकारले की, ट्विटवर भाष्य करण्याचा प्रयत्न प्रकरणासाठी प्रतिकूल ठरू शकतो.
हेही वाचा - Punjab Flood : शाहरुख खानसह 'या' अभिनेत्यांनी केली पंजाबमधील पूरग्रस्तांसाची मदत; जाणून घ्या
कंगनाच्या रिट्विटची पुष्टी करण्यासाठी ट्विटर कम्युनिकेशन्स इंडिया प्रायव्हेट लिमिटेड (TCIPL) कडून अहवाल मागवण्यात आला, परंतु तो प्राप्त झाला नाही. न्यायालयाने स्पष्ट केले की, ही संस्था ट्विटरची मालकी किंवा नियंत्रक नाही. या प्रकरणात, मूळ ट्विट करणाऱ्यांविरुद्ध कोणतीही कारवाई नाही, त्यामुळे फक्त कंगनाविरुद्ध तक्रार केली गेली आहे.