आपल्या दैनंदिन जीवनात आरोग्याच्या दृष्टीने अनेक सवयी महत्त्वाच्या असतात. त्यापैकी एक आहे जेवणानंतर अंघोळ करणे. अनेक जणांना जेवणानंतर लगेच अंघोळ करण्याची सवय असते, मात्र ही सवय शरीरासाठी हानीकारक ठरू शकते. आयुर्वेद आणि आधुनिक आरोग्य विज्ञान यामध्येही याबाबत महत्त्वाचे मार्गदर्शन केले जाते.
शरीरावर होणारे परिणाम
पचन प्रक्रिया बाधित होते:
जेवण केल्यानंतर शरीरातील रक्तप्रवाह पचन संस्थेकडे वाढतो, जेणेकरून अन्नाचे योग्य पचन होईल. मात्र, अंघोळ केल्यामुळे त्वचेच्या भागाकडे रक्तप्रवाह वाढतो आणि पचन संस्थेकडे कमी होतो. त्यामुळे अन्नाचे पचन व्यवस्थित होत नाही.
हेही वाचा: सावंतांच्या मुलाने एका ट्रीपसाठी दिले तब्बल 68 लाख
उलट्या किंवा जळजळ होण्याची शक्यता:
जेवणानंतर लगेच अंघोळ केल्यास अपचन, जळजळ किंवा उलट्यांचा त्रास होऊ शकतो.
ऊर्जेची कमतरता:
अंघोळीमुळे शरीराचे तापमान थंड होते, तर जेवणानंतर शरीराला उष्णतेची गरज असते. त्यामुळे शरीरातील उर्जा कमी होण्याची शक्यता असते.
रक्तदाबाचा त्रास:
आंघोळीमुळे रक्तदाबातील चढ-उतार होऊ शकतो. जेवणानंतर लगेच अंघोळ केल्यास हा त्रास अधिक जाणवू शकतो.
आरोग्यासाठी योग्य सवय
जेवण केल्यानंतर किमान 45 मिनिटे ते 1 तास अंघोळ टाळावी.
पचन प्रक्रियेवर सकारात्मक परिणाम होण्यासाठी जेवणानंतर हलकी चालणे उपयुक्त ठरते.
आयुर्वेदानुसार जेवणानंतर गरम पाणी पिणे आरोग्यासाठी फायदेशीर असते.
जेवणानंतर अंघोळ करणे ही एक चुकीची सवय ठरू शकते. त्यामुळे आरोग्य चांगले ठेवण्यासाठी योग्य अंतर ठेवून अंघोळ करणे महत्त्वाचे आहे. आपले शरीर निरोगी ठेवण्यासाठी या छोट्या गोष्टींकडे लक्ष देणे गरजेचे आहे.