रोबोट करणार अनधिकृत नळांची तपासणी

छत्रपती संभाजीनगर : संभाजीनगरमधील सिल्क मिल कॉलनी येथे मोठी कारवाई करण्यात आली आहे. चक्क रोबोटमुळे  54 अनधिकृत नळ सापडले आहेत. याविरोधात कारवाई करण्यात आली आहे. नळांविरुद्ध केलेल्या दंडातून सव्वादोन लाख रुपयांचा महसूल जमा झाला आहे

पाण्याची अतिरिक्त होणारी कपात थांबवण्यासाठी मनपाची विशेष अनधिकृत नळ जोडणी शोध सुरू झाली आहे. शहरातील सिल्क मिल कॉलनी येथे महानगरपालिकेच्या जुन्या 150 मिमी जलवाहिनीवर पाणी पुरवठा होत नसल्याने काही गळती असल्याची शंका असताना महानगरपालिकेने नव्याने घेतलेल्या रोबोट तंत्रज्ञान वापरून शोध घेण्यात आला, त्यावेळी या भागात अनधिकृत चुकीच्या पद्धतीने नळ असल्याचे रोबोटच्या माध्यमातून समोर आले. अधिकृत नळ धारकांना प्रत्येकी 5 हजार दंड ठोठावला आणि एकूण 54 अनधिकृत नळ कनेक्शन अधिकृत करण्यात आले. या रोबोटच्या कारवाईतून 2 लाख 13 हजार 350 रुपये महसूल मनपाला प्राप्त झाला.  

हेही वाचा : वाल्मिक कराड हाच हत्येचा सूत्रधार; पोलिसांनी दाखल केलेल्या दोषारोप पत्रात स्पष्ट उल्लेख

सध्या आधुनिक रोबोट विविध क्षेत्रांमध्ये अत्याधुनिक तंत्रज्ञानाच्या मदतीने कार्यरत आहेत. अनधिकृत नळ कनेक्शन शोधण्यापासून ते औद्योगिक, वैद्यकीय, सुरक्षा आणि संशोधन क्षेत्रांपर्यंत रोबोट्सची उपयोगिता मोठ्या प्रमाणात वाढली आहे.

रोबोट काय काय करू शकतात?
पाणीपुरवठा व पाईपलाइन व्यवस्थापन
अनधिकृत नळ जोडणी शोधणे – जलवाहिन्यांमधील अनधिकृत जोडणी शोधण्यासाठी रोबोट पाईपलाइनच्या आत पाठवले जातात.
गळती आणि गंज शोधणे – सेन्सर्सच्या मदतीने पाईपमधील गळती, गंज आणि ब्लॉकेज शोधता येतो.
स्मार्ट पाणी व्यवस्थापन – AI आणि IoT तंत्रज्ञानाच्या मदतीने पाण्याचा पुरवठा नियंत्रित करता येतो.

शेती आणि अन्न प्रक्रिया
स्वयंचलित पेरणी आणि कापणी – स्मार्ट रोबोट्स मळ्यात काम करून उत्पादन वाढवतात.
कीटकनाशक फवारणी – ड्रोनच्या मदतीने शेतात कीटकनाशकांचा प्रभावी वापर करता येतो.
मृदा आणि हवामान निरीक्षण – आधुनिक रोबोट मृदेची गुणवत्ता आणि हवामानाचा अंदाज वर्तवू शकतात.

घरगुती आणि स्मार्ट होम उपयोग
स्वयंचलित स्वच्छता – रोबोट व्हॅक्युम क्लीनर घराची स्वच्छता करतात.
स्मार्ट सहाय्यक – Alexa, Google Assistant यासारखे रोबोट आवाज ओळखून काम करतात.
किचन रोबोट्स – स्वयंपाक करण्यासाठी काही अत्याधुनिक रोबोट्स तयार होत आहेत.

अंतराळ संशोधन आणि अन्वेषण
मंगळ आणि चंद्रावर शोधमोहीम – NASA चा "Perseverance" आणि ISRO चा "Pragyan" रोव्हर मंगळ व चंद्रावर संशोधन करतात.
ग्रहांवरील संसाधने शोधणे – पाण्याचे अस्तित्व, खनिजे आणि हवामानाचा अभ्यास करतात.
अंतराळस्थानक दुरुस्ती – आंतरराष्ट्रीय अंतराळ स्थानकावरील यंत्रणेची देखभाल करतात.

रोबोट्स आता मानवी जीवनाचा अविभाज्य भाग बनत आहेत. पाणीपुरवठा व्यवस्थापन, वैद्यकीय सेवा, संरक्षण, शेती आणि वाहतूक क्षेत्रांमध्ये त्यांचा मोठ्या प्रमाणात उपयोग होत आहे. भविष्यात, रोबोट्सच्या मदतीने अजून प्रभावी आणि सुरक्षित समाज निर्माण करण्याची शक्यता आहे.