Sharadiya Navratri 2025: अखंड दीप लावताय? नवरात्रोत्सवात दिवा प्रज्वलित करण्यापूर्वी ‘हे' नियम जाणून घ्या; अन्यथा...

Sharadiya Navratri 2025: शारदीय नवरात्र हा हिंदू धर्मातील सर्वात महत्वाचा उत्सव मानला जातो. या नऊ दिवसांमध्ये देवी दुर्गेच्या नऊ रूपांची पूजा, आराधना व जप केला जातो. नवरात्रीत देवीसमोर घट बसवला जातो आणि संपूर्ण नऊ दिवस अखंड ज्योत प्रज्वलित ठेवली जाते. ही परंपरा केवळ धार्मिक श्रद्धेशी संबंधित नसून त्यामागे गहन अध्यात्मिक अर्थ दडलेला आहे.

अखंड दीप लावण्यामागचे महत्व

हिंदू संस्कृतीत कोणतेही शुभ कार्य दिवा लावूनच सुरू केले जाते. दिव्याचा प्रकाश हा ज्ञान, सकारात्मकता आणि समृद्धीचे प्रतीक मानला जातो. विशेषतः नवरात्रीत लावलेला अखंड दीप देवी आदिशक्तीचे प्रत्यक्ष स्वरूप मानला जातो. या दिव्यामुळे घरातील नकारात्मकता नष्ट होते, सुख-समाधान आणि शांततेचे वातावरण निर्माण होते. दिव्याची अखंड ज्योत ही भक्ताच्या श्रद्धा, भक्ती आणि धैर्याचे प्रतीक मानली जाते.

हेही वाचा: Sharadiya Navratri 2025: घटस्थापना करताना 'या' वस्तू अजिबात विसरू नका, अन्यथा पूजा अपूर्ण राहील; संपूर्ण यादी येथे तपासा

अखंड दीपाचे नियम व दिशा

अखंड दीप प्रज्वलन करताना काही नियम पाळणे अत्यावश्यक मानले जाते.

• स्थान निवड : दिवा नेहमी देवघरात किंवा घराच्या ईशान्य दिशेला ठेवावा. हे स्थान पवित्र आणि सकारात्मक ऊर्जा वाढवणारे मानले जाते.

• ज्योत विझू नये : नवरात्रभर अखंड ज्योत अखंड प्रज्वलित राहिली पाहिजे. दिवा विझणे अशुभ मानले जाते. यासाठी दिव्याला काचेच्या झाकणाने सुरक्षित ठेवावे.

• तेल व तूपाचा वापर : देवीसमोर दिवा ठेवताना तुपाचा दिवा उजव्या बाजूला आणि तेलाचा दिवा डाव्या बाजूला ठेवणे शुभ मानले जाते. दिवा लावताना मंत्रोच्चार करणे अधिक फलदायी मानले जाते.

• शुद्धता राखणे : दिवा ठेवलेले स्थान स्वच्छ असावे. अशुद्ध जागी किंवा शौचालयाजवळ दिवा ठेवू नये.

• आचारसंहिता : अखंड दीप लावल्यावर संपूर्ण नवरात्र मांसाहार टाळावा. उपासना आणि व्रताच्या काळात घरातील वातावरण शुद्ध व पवित्र ठेवणे महत्त्वाचे आहे.

हेही वाचा: Shardiya Navratri 2025: नवरात्रोत्सवात घरात रिकाम्या ठेवू नयेत 'या' 7 गोष्टी; अन्यथा देवी लक्ष्मी होऊ शकतात नाराज

अखंड दीपाचा अध्यात्मिक अर्थ

नवरात्रीत अखंड दीप लावणे म्हणजे अंधकारावर प्रकाशाचा विजय दर्शवणे. ही ज्योत भक्ताच्या मनातील नकारात्मक विचार नष्ट करून आत्मविश्वास आणि आध्यात्मिक शक्ती जागृत करते. दिव्याचा सातत्यपूर्ण प्रकाश हेच देवीच्या आशीर्वादाचे प्रतीक मानले जाते. त्यामुळे प्रत्येक भक्ताने श्रद्धा आणि शुद्ध भावनेने अखंड दीप प्रज्वलित करणे गरजेचे आहे.

नवरात्र 2025 जवळ येत असताना, आपणही देवीसमोर अखंड दीप प्रज्वलित करताना हे नियम आणि परंपरा पाळाव्यात. कारण ही केवळ एक धार्मिक कृती नाही, तर ती भक्ती, श्रद्धा आणि सकारात्मक जीवनशैलीचा मार्ग आहे.

 (Disclaimer : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. जय महाराष्ट्र त्याची हमी देत नाही.)