Aadhaar Card मध्ये नवीन मोबाईल नंबर कसा अपडेट करायचा? ऑनलाइन आणि ऑफलाइन प्रक्रिया जाणून घ्या

How To Update New Mobile Number In Aadhaar: ज्यावेळी आधार कार्ड बनवण्यात आले त्यावेळी कुटुंबातील सर्व सदस्यांचे आधार कार्ड फक्त वडिलांच्या मोबाईल नंबरशी लिंक केले गेले. परंतु आता जेव्हा एखाद्याला आधारशी संबंधित कोणतेही काम करायचे असते तेव्हा ओटीपी कुटुंबातील त्या प्रमुख व्यक्तीच्या नंबरवर जातो. परंतु, आता जर एखाद्या व्यक्तीला त्याचं आधार कार्ड त्याच्या नंबरशी लिंक करायचे असेल तर काय करावे लागेल? याचं उत्तर आम्ही तुम्हाला देणार आहोत. तुम्ही  आधार कार्डमधील नंबर घरबसल्या किंवा ऑनलाइन अपडेट करू शकता. काय आहे प्रक्रिया जाणून घेऊयात. 

हेही वाचा - Google Pay वर परवानगीशिवाय पैसे कट होत आहेत का? गुगल पे AutoPay फिचर बंद कसे करावे? जाणून स्टेप-बाय-स्टेप प्रोसेस

आधार कार्डमध्ये मोबाईल नंबर अपडेट करण्याची ऑफलाइन प्रक्रिया - 

• तुम्हाला तुमच्या जवळच्या आधार सेवा केंद्राला भेट द्यावी लागेल. तुम्ही UIDAI वेबसाइट (https://appointments.uidai.gov.in/easearch.aspx) ला भेट देऊन तुमचे जवळचे केंद्र शोधू शकता.
• आधार सेवा केंद्राला भेट द्या आणि आधार अपडेट/दुरुस्ती फॉर्म भरा. या फॉर्ममध्ये तुमचा नवीन मोबाईल नंबर एंटर करा.
• या फॉर्मसोबत, तुम्हाला तुमचे आधार कार्ड आणि मतदार ओळखपत्र किंवा पासपोर्ट इत्यादी इतर ओळखपत्रे सादर करावी लागतील.
• तुमची बायोमेट्रिक पडताळणी येथे होईल. यामध्ये फिंगरप्रिंट आणि आयरीस स्कॅनचा समावेश असू शकतो.
• आता मोबाईल नंबर अपडेट करण्यासाठी तुम्हाला शुल्क भरावे लागेल, ज्यासाठी तुम्हाला एक स्लिप मिळेल. अशा प्रकारे तुमचा नवीन नंबर अपडेट होईल.

आधार कार्डमध्ये मोबाईल नंबर अपडेट करण्यासाठी ऑनलाइन प्रक्रिया - 

• तुम्हाला https://myaadhaar.uidai.gov.in/ ला भेट द्यावी लागेल.
• होम पेजवरील बुक अ अपॉइंटमेंट वर क्लिक करा.
• आता तुमचा परिसर निवडा आणि प्रोसीड टू बुक अपॉइंटमेंट वर क्लिक करा. 
• आता आधार अपडेट पर्यायात मोबाईल नंबर आणि कॅप्चा कोड टाका आणि जनरेट ओटीपी वर क्लिक करा.
• आता अपॉइंटमेंटची माहिती भरा आणि पुढील बटणावर क्लिक करा. 
• पुढील पानावर, तुम्हाला तुमची वैयक्तिक माहिती भरावी लागेल.
• आता मोबाईल नंबर पर्यायावर टिक करा आणि पुढील बटणावर क्लिक करा. पुढील पानावर तुम्हाला दिवस आणि तारीख निवडावी लागेल.
• आता तुम्हाला एक पावती मिळेल, ज्यामध्ये सर्व माहिती असेल. 
• तुम्हाला ही पावती देय तारखेला आधार केंद्रावर दाखवावी लागेल.

अशा प्रकारे, ऑनलाइन अपॉइंटमेंट बुक करून, तुम्ही आधार केंद्रावर तुमचा मोबाईल नंबर अपडेट करू शकता.