Smartphone Security:आजकाल स्मार्टफोन केवळ कॉल किंवा मेसेजसाठीच नाही, तर आपल्या जीवनातील जवळपास प्रत्येक महत्वाच्या गोष्टीसाठी वापरला जातो. बँकिंग, UPI ट्रान्झॅक्शन, सोशल मीडिया अकाउंट्स, व्हॉट्सअॅप मेसेजेस, फोटो, आणि महत्वाचे डॉक्युमेंट्स हे सगळेच आपल्या स्मार्टफोनमध्ये साठवलेले असतात. या वाढत्या डिजिटल वापरामुळे हॅकर्सचा लक्ष्यदेखील वाढत आहे. फक्त एक चुकीचा क्लिक किंवा दुर्लक्ष केल्यास तुमचे पैसे आणि संवेदनशील माहिती हॅकर्सच्या हाती जाऊ शकते.
मजबूत पासवर्ड वापरा
हॅकिंगपासून बचावासाठी सर्वप्रथम मजबूत पासवर्ड महत्वाचा आहे. स्मार्टफोन, बँक अकाउंट, किंवा सोशल मीडिया अकाउंटसाठी नेहमी असं पासवर्ड निवडा जे सहज हॅक करणे कठीण असेल. यात uppercase आणि lowercase अक्षरे, संख्या, विशेष चिन्हांचा समावेश असावा. तसेच टू-फॅक्टर ऑथेंटिकेशन (2FA) सुरू करणे हे देखील अत्यंत आवश्यक आहे. हे तुमच्या अकाउंटला अतिरिक्त सुरक्षा स्तर देते आणि हॅकर्सना प्रवेश मिळवणे कठीण होते.
हेही वाचा: YouTube AI: व्हिडिओ अपलोड्समध्ये गुप्तपणे AI बदल? YouTube ने केला खुलासा
फोन आणि अॅप्स अपडेट ठेवा
स्मार्टफोन आणि अॅप्स नियमित अपडेट करत राहणे ही आणखी एक महत्वाची गोष्ट आहे. अपडेट्समध्ये अनेकदा सुरक्षा सुधारणा आणि बग फिक्सेस असतात. जर फोन जुना राहिला किंवा अॅप्स अपडेट केलेले नाहीत, तर हॅकर्सना तुमच्या डिव्हाइसमध्ये प्रवेश मिळवणे सोपे होते.
सार्वजनिक Wi-Fi च्या फसवणुकीपासून सावध
रेल्वे स्टेशन, कॅफे, पार्क यांसारख्या ठिकाणी मोफत Wi-Fi मिळाल्याने अनेकांना फसवणूक होऊ शकते. सार्वजनिक Wi-Fi नेटवर्कवर हॅकर्सला लक्ष केंद्रित करणे फार सोपे असते. अशा नेटवर्कवर कधीही ऑनलाइन ट्रान्झॅक्शन, शॉपिंग किंवा बँकिंग करू नका.
फक्त विश्वासार्ह स्त्रोतांवरून अॅप्स डाउनलोड करा
अॅप्स डाउनलोड करताना फक्त Google Play Store किंवा Apple App Store सारख्या विश्वासार्ह स्त्रोतांचा वापर करा. सोशल मीडिया, अनोळखी लिंक किंवा अज्ञात स्त्रोतावर क्लिक करून अॅप डाउनलोड करणे अत्यंत धोकादायक ठरू शकते. हॅकर्स नकली अॅप्स तयार करून, फोनमधील सर्व माहिती चोरू शकतात.
हेही वाचा: Google Android Update: गुगलने घेतला मोठा निर्णय; 2026 पासून Android यूजर्ससाठी 'हे' अॅप्स बंद
अतिरिक्त खबरदारी
-अज्ञात मेसेजेस किंवा ईमेलमधील लिंकवर क्लिक करू नका.
-आपल्या मोबाइलला पासकोड किंवा बायोमेट्रिक लॉक लावा.
-नियमितपणे महत्वाच्या फाइल्सचे बॅकअप ठेवा.
-मोबाईल अँटीव्हायरस अॅप इंस्टॉल करा आणि स्कॅन करत रहा.
डिजिटल सुरक्षा ही आपल्या हातात आहे. योग्य खबरदारी घेऊन, स्मार्टफोन सुरक्षित ठेवणे शक्य आहे. या टिप्स फॉलो केल्यास, हॅकर्सकडून होणाऱ्या संभाव्य नुकसानापासून बचाव करता येईल आणि तुमची आर्थिक तसेच वैयक्तिक माहिती सुरक्षित राहील.