Gold Rate Today: भारतीय सराफा बाजारात पुन्हा एकदा सोन्या-चांदीच्या भावात मोठे चढ-उतार पाहायला मिळत आहेत. सप्टेंबर महिन्याच्या सुरुवातीलाच सोन्याने तब्बल नवा उच्चांक गाठला असून, चांदीच्या दरातही लक्षणीय वाढ झाली आहे. यामुळे सणासुदीच्या काळात दागिने खरेदीचा विचार करणाऱ्या ग्राहकांच्या खिशाला मोठा ताण बसणार आहे.
गेल्या काही दिवसांपासून जागतिक पातळीवर डॉलर निर्देशांकातील घसरण, कच्च्या तेलातील चढ-उतार आणि आंतरराष्ट्रीय बाजारातील अस्थिरता याचा थेट परिणाम सोन्या-चांदीच्या दरांवर दिसून येतो आहे. भारतात पारंपरिक पद्धतीने सोने-चांदी खरेदीला नेहमीच विशेष महत्त्व दिले जाते. लग्नसमारंभ, सण, उत्सव आणि गुंतवणुकीसाठी बहुसंख्य ग्राहक सोने पसंत करतात. त्यामुळे दर वाढल्यास ग्राहकांच्या खरेदी क्षमतेवर थेट परिणाम होतो.
हेही वाचा: Todays Share Market Update : सेन्सेक्समध्ये 300 तर निफ्टीची 24,500 अंकांची कमाई; तेजीत पहिल्या तिमाहीतील मजबूत जीडीपीचा समावेश
आजचे दर (01 सप्टेंबर 2025 )
|
शहर
|
22 कॅरेट (प्रति 10 ग्रॅम)
|
24 कॅरेट (प्रति 10 ग्रॅम)
|
|
मुंबई
|
₹95,251
|
₹1,03,910
|
|
पुणे
|
₹95,251
|
₹1,03,910
|
|
नागपूर
|
₹95,251
|
₹1,03,910
|
|
नाशिक
|
₹95,251
|
₹1,03,910
|
याशिवाय, 10 ग्रॅम 24 कॅरेट सोन्याची राष्ट्रीय सरासरी किंमत सध्या ₹1,05,300 असून, २२ कॅरेट सोन्याची किंमत ₹93,525 इतकी आहे. तर चांदीचा दरही वधारत असून, १ किलो चांदीची किंमत सध्या ₹1,23,970 आहे.
22 कॅरेट की 24 कॅरेट?
ग्राहक सोने खरेदी करताना कायमच या प्रश्नात अडकतात की 22 कॅरेट घ्यावे की 24 कॅरेट? याबाबत तज्ज्ञ सांगतात:
24 कॅरेट सोने हे 99.9% शुद्ध असते, परंतु त्याचे दागिने बनवता येत नाहीत.
22 कॅरेट सोने अंदाजे 91% शुद्ध असते आणि त्यात तांबे, चांदी, जस्त यांसारख्या धातूंचे मिश्रण केले जाते. त्यामुळे ते दागिने बनवण्यासाठी अधिक योग्य ठरते.
हेही वाचा: SCO Conference In China: 'दहशतवादावर दुहेरी निकष स्वीकारार्ह नाहीत...'; चीनमधील एससीओ परिषदेत पंतप्रधान मोदींचे महत्त्वाचे वक्तव्य
गुंतवणुकीसाठी योग्य वेळ?
सोन्याच्या दरात सतत होणारी चढ-उतार गुंतवणूकदारांसाठी महत्त्वाचा विषय ठरतो. तज्ज्ञांचे मत आहे की, सोने ही दीर्घकालीन सुरक्षित गुंतवणूक मानली जाते. मात्र अल्पकालीन नफा पाहणाऱ्यांनी सावध राहणे गरजेचे आहे. आंतरराष्ट्रीय बाजारात थोडीशी स्थिरता आल्यास दर पुन्हा घसरण्याची शक्यता असते.
ग्राहकांसाठी सूचना
सोने-चांदी खरेदी करताना नेहमी हॉलमार्क असलेले दागिनेच खरेदी करावेत. कारण हॉलमार्क हे शुद्धतेचे अधिकृत प्रमाणपत्र आहे. तसेच दागिने घेताना मेकिंग चार्ज आणि जीएसटी वेगळे आकारले जातात, त्यामुळे अंतिम किंमत नेहमी तपासावी.