Sun Transit 2025: वैदिक ज्योतिषशास्त्रानुसार, ग्रहांच्या हालचालीमुळे मानवी जीवनावर मोठा परिणाम होतो. काही वेळा ग्रहांच्या संक्रमणामुळे शुभ योग तयार होतात तर काही वेळा आव्हाने वाढतात. आता एक वर्ष पूर्ण झाल्यानंतर पुन्हा एकदा सूर्य देव महत्त्वाच्या संक्रमणातून जात आहेत. 17 ऑक्टोबर रोजी सूर्य देव तूळ राशीत प्रवेश करतील आणि त्यामुळे निर्माण होणारा नीचभंग राजयोग अनेक राशींना लाभदायी ठरणार आहे.
हा योग काही राशींना अचानक आर्थिक लाभ, करिअरमध्ये प्रगती आणि कौटुंबिक जीवनात समाधान देणार आहे. चला जाणून घेऊया, कोणत्या राशींवर भाग्याची साथ मिळणार आहे.
कन्या राशी
कन्या राशीच्या व्यक्तींना या काळात कर्मक्षेत्रात उत्तम यश मिळू शकतं. नोकरी करणाऱ्यांना त्यांच्या मेहनतीचा योग्य सन्मान मिळेल. समाजात प्रतिष्ठा वाढेल आणि वरिष्ठांकडून कौतुक मिळेल. व्यवसाय करणाऱ्यांसाठी हा काळ विशेष लाभदायक आहे. नवीन गुंतवणूक आणि विस्ताराची संधी मिळू शकते. आर्थिक स्थितीत सुधारणा होईल आणि घरात आनंदाचे वातावरण राहील.
हेही वाचा: Sankashti Chaturthi 2025 : आजपासून बदलणार 5 राशींचं भाग्य, संकटं होणार दूर, मिळणार संपत्ती व यश
वृषभ राशीसाठी नीचभंग राजयोग अत्यंत शुभ ठरणार आहे. अचानक धनलाभ होण्याची शक्यता आहे. नोकरी करणारे लोक एखाद्या महत्त्वाच्या जबाबदारीसाठी निवडले जाऊ शकतात. यामुळे त्यांच्या कामगिरीत सुधारणा होईल आणि नाविन्यपूर्ण संधी उभ्या राहतील. व्यावसायिकांना हुशारीने घेतलेल्या निर्णयांचा फायदा होईल. प्रतिष्ठा आणि मान-सन्मान मिळेल.
तूळ राशी
तूळ राशीच्या व्यक्तींसाठी हा काळ आत्मविश्वास वाढवणारा ठरेल. करिअरमध्ये नवी प्रगती साधता येईल. भागीदारीच्या कामात लाभ मिळू शकतो. विवाहितांसाठी वैवाहिक जीवन सुखकर राहील. तर अविवाहितांना विवाहयोग संभवतो. योजनांमध्ये यश मिळेल आणि नव्या मार्गांचा शोध लागेल. आर्थिकदृष्ट्या मोठा फायदा मिळून गडगंज श्रीमंतीचा मार्ग खुला होऊ शकतो.
नीचभंग राजयोगाचं महत्त्व
ज्योतिषशास्त्रात नीचभंग राजयोग हा विशेष शुभ मानला जातो. एखादा ग्रह नीच राशीत असताना जर त्याचा प्रभाव इतर बलवान ग्रहांमुळे कमी झाला तर तो योग अधिक फलदायी ठरतो. यामुळे जीवनातील अडचणी कमी होतात आणि व्यक्तीच्या प्रयत्नांना यश मिळतं.
12 महिन्यांनंतर पुन्हा एकदा ग्रहयोगांनी सकारात्मक बदल घडवण्याची संधी दिली आहे. कन्या, वृषभ आणि तूळ या राशींना पुढील काळात धनलाभ, करिअरमध्ये प्रगती आणि कौटुंबिक आनंद मिळण्याची शक्यता आहे. त्यामुळे या राशीच्या व्यक्तींनी आपल्या क्षमतांवर विश्वास ठेवून पुढे जाणं आवश्यक आहे.
(Disclaimer : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. जय महाराष्ट्र त्याची हमी देत नाही.)