Health Tips: दही हे भारतीय आहारातील एक महत्वाचं आणि उपयुक्त अन्न आहे. त्याचे थंडसर गुणधर्म, पचनासाठी फायदेशीर प्रोबायोटिक्स आणि शरीराला ऊर्जा देणारी क्षमता यामुळे त्याला ‘सुपरफूड’ मानलं जातं. मात्र, दही खाण्याचाही एक योग्य वेळ असतो आणि तो वेळ "रात्र" नव्हे.
डॉ. रुपाली जैन यांच्या मते, दहीचं सेवन रात्री केल्याने शरीरावर काही नकारात्मक परिणाम होऊ शकतात. रात्री शरीराची पचनक्रिया मंदावलेली असते. अशा वेळी थंडसर, जड अन्न म्हणजेच दही खाल्ल्यास पचनात अडथळा येतो आणि त्यामुळे अनेक समस्या निर्माण होऊ शकतात.
रात्री दही खाल्ल्यास होणारे संभाव्य धोके:
पचनतंत्रावर परिणाम: रात्री दही खाल्ल्याने पचन मंदावते आणि अपचन, पोट फुगणे, गॅस इ. त्रास होतात.
कफ आणि बलगम वाढवतो: आयुर्वेदानुसार, रात्री दही खाणं कफ दोष वाढवतं. त्यामुळे गळा बसणे, नाक बंद होणे यांसारखे लक्षणं दिसू शकतात.
सर्दी-खोकल्याचा धोका: दही थंडसर असल्यानं रात्री त्याचे सेवन केल्यास सर्दी, खोकला व जुकाम होऊ शकतो, विशेषतः लहान मुलं व कमजोर इम्युनिटी असलेल्या व्यक्तींमध्ये.
त्वचेवर परिणाम: काही लोकांमध्ये रात्री दही खाल्ल्यास त्वचेवर पुरळ, खाज, एलर्जी यांसारख्या समस्या दिसतात.
जोडांचं दुखणं वाढू शकतं: संशोधनात असं दिसून आलंय की, ज्यांना सांधेदुखीची तक्रार असते त्यांना रात्री दही खाल्ल्यामुळे वेदना वाढू शकतात.
रात्री दही खाणं टाळता येत नसेल तर काय करावं?
जर तुमचं दही खाणं टाळता येत नसेल, तर त्यात थोडंसं काळं मीठ किंवा काळी मिरी टाकून खाण्याचा सल्ला डॉक्टर देतात. यामुळे दहीचं थंडसर स्वरूप काहीसं कमी होतं आणि पचनावर परिणाम कमी होतो.
दही खाण्याचा योग्य वेळ कोणता?
दुपार किंवा संध्याकाळच्या वेळेस, जेव्हा शरीराची पचनक्रिया सक्रिय असते, तेव्हा दही खाणं अधिक उपयुक्त ठरतं. त्यावेळी त्याचे फायदे शरीरात अधिक चांगले शोषले जातात.
दही आरोग्यासाठी उत्तम असलं तरी रात्री त्याचा अतिरेक टाळावा. आहारात संतुलन राखणं हे दीर्घकाळ निरोगी राहण्यासाठी अत्यावश्यक आहे. कोणतंही अन्न कोणत्या वेळेस खावं हे ठरवताना आपल्या शरीरप्रकृतीचा विचार करणे महत्त्वाचं आहे. तज्ज्ञांचा सल्ला घेऊन योग्य आहार नियोजन करा आणि छोट्या-छोट्या सवयींनी आपलं आरोग्य अधिक चांगलं बनवा.