किशोर पगारे. प्रतिनिधी. उल्हासनगर: रक्षाबंधनाच्या पवित्र सणानिमित्त डोंबिवलीतील वे टू कॉज फाऊंडेशन आणि रायडर्स क्लबमार्फत नेहमीप्रमाणे यावर्षीही एक बंधन 2025, 'वीरबन्धनम् (वीरांसोबतचे बंधन)' हा देशभक्तीपर उपक्रम राबवण्यात येत आहे. ज्याअंतर्गत डोंबिवलीचा सुप्रसिद्ध 'चहावाला' अशी ओळख असणारे समाजसेवक रोहित वसुदेव आचरेकर हे यावर्षी तब्बल 35 हजारांहून अधिक राख्या, 937 फुटांचा भव्य तिरंगा आणि 21 ध्वज सीमेवरील लष्कराच्या सैनिकांकडे सुपुर्द करणार आहेत.
हेही वाचा: Chhtrapati Sambhajinagar: टोमॅटोचा सर्वाधिक दर, पैठणच्या खादगांव येथील शेतकऱ्याला लागली लॉटरी
रक्षाबंधनानिमित्त गेल्या 19 वर्षांपासून रोहित आचरेकर हे सीमारेषेवर जाऊन जवानांच्या मनगटावर राख्या बांधण्याचा सामाजिक उपक्रम राबवत आहेत. देशभरातील हजारो बहिणींकडून या उपक्रमाला उत्स्फूर्त प्रतिसाद मिळत असून यावर्षी प्राप्त झालेल्या 35 हजारांहून अधिक राख्या घेऊन ते स्वतः सीमेवरील सैनिकांपर्यंत पोहोचवणार आहेत. तसेच, यावर्षी संस्थेकडे प्राप्त झालेल्या 35 हजार राख्यांपैकी तब्बल 15 हजार राख्या 'मी डोंबिवलीकर' सामाजिक संस्थेद्वारे डोंबिवली, कल्याण, अंबरनाथ आणि इतर प्रमुख शहरांतून जमा झाल्या आहेत. भाजप प्रदेशाध्यक्ष रविंद्र चव्हाण यांच्या हस्ते या सर्व राख्या रोहित आचरेकर यांच्याकडे सुपूर्द करण्यात आले. मागील दोन वर्षांपासून 'डोंबिवलीकर' संस्थेतर्फे रवींद्र चव्हाण यांच्या मार्गदर्शनाखाली या उपक्रमाला सक्रिय पाठिंबा देण्यात येत आहे.
हेही वाचा: कोल्हापुरात सर्किट बेंचला मान्यता; 18 ऑगस्टपासून कामकाजाचं श्रीगणेशा
यासोबतच, 'आम्ही तब्बल 937.5 फूटाचा भव्य भारतीय तिरंगाही घेऊन जाणार आहोत. हा तिरंगा द्रास, लडाख येथील कारगिल वॉर मेमोरियल येथे अभिमानाने हस्तांतरित करण्यात जाणार आहे. त्यासोबतच, विजय पथासाठी 21 तिरंगे ध्वजही दिले जाणार असून ही जे शौर्य आणि देशभक्तीचे प्रतीक म्हणून सीमा भागात लावले जातील', अशी माहिती रोहित आचरेकर यांनी दिली.
पुढे, रोहित आचरेकर म्हणाले की, 'सोबतच, संस्थेतर्फे यावर्षी 15 लाख निधी संकलनाचे उद्दिष्ट ठेवण्यात आले आहे. हा निधी भारतीय सैन्य कल्याण निधी (Indian Army Welfare Fund) मध्ये जमा होणार असून, जखमी तसेच शहीद सैनिकांच्या कुटुंबियांना आर्थिक सहाय्य करण्यासाठी वापरला जाणार आहे. आजपर्यंत या उपक्रमांतर्गत 2 लाख रुपयांचा निधी संकलित झाले आहे. आमच्याकडे जमा होणारी 'प्रत्येक राखी म्हणजे प्रेमाचा धागा, प्रत्येक तिरंगा म्हणजे सलाम असून एक बंधन हा केवळ सण नाही, तर भारतीयांनी आपल्या सैनिकांप्रती दिलेली भावनिक प्रतिज्ञा आहे'.
या उपक्रमात सहभाग आणि योगदानासाठी संपर्क :
संपर्क : +91 89763 87484
डिजिटल राख्या आणि निधी योगदानासाठी UPI: 9967859678@okbizaxis