Mumbai-Goa Highway Accident: मुंबई-गोवा महामार्गावर सोमवारी झालेल्या भीषण अपघातात 19 वर्षीय वैद्यकीय विद्यार्थिनीचा मृत्यू झाला असून तिचा धाकटा भाऊ गंभीर जखमी झाला आहे. मृत तरुणीची ओळख देवयानी किशोर गोळे अशी झाली असून ती पनवेलमधील महाविद्यालयात बीएमएसच्या अंतिम वर्षाची विद्यार्थिनी होती. देवयानी आपल्या भावासोबत स्कूटरवरून रोहाजवळील मामाच्या घरी गणेशोत्सव साजरा करण्यासाठी जात असताना हा अपघात झाला.
हेही वाचा - Toll Exemption In Maharashtra : मुंबई-पुणे एक्स्प्रेस वे, समृद्धी महामार्ग, अटल सेतूवर प्रवाशांना टोलमाफी; 'या' अटींसह वाहनांना प्रवासाची परवानगी
रायगड जिल्ह्यातील रोहा, नम्रता धाब्याजवळ खेड डेपोकडून वेगाने आणि बेपरवाईने येणाऱ्या एसटी बसने त्यांच्या स्कूटरला धडक दिली. या अपघातात देवयानीचा जागीच मृत्यू झाला. तसेच तिचा भाऊ गंभीर जखमी झाला असून त्याच्यावर रुग्णालयात उपचार सुरू आहेत.
हेही वाचा - Maharashtra Rain Update : राज्यात पुढील चार दिवस मुसळधार पावसाचा इशारा; 25 जिल्ह्यांना यलो तर 8 जिल्ह्यांना ऑरेंज अलर्ट जारी
अपघातानंतर कोलाड पोलिसांनी एसटी बस चालकाविरुद्ध गुन्हा दाखल केला आहे. त्याच्यावर भारतीय न्याय संहिता (BNS) अंतर्गत निष्काळजीपणामुळे मृत्यू, अविचारीपणे वाहन चालवणे आणि मानवी जीवनाला धोका निर्माण करणे या कलमांनुसार तसेच मोटार वाहन कायदा कलम 184 अंतर्गत कारवाई करण्यात आली आहे.