ठाणे: महादेव मुंडे प्रकरणातील संशयित फरार आरोपी ज्ञानोबा उर्फ गोट्या गिते यांने जितेंद्र आव्हाडांना धमकी दिली होती. यावर धमक्यांना घाबरत नाही, बोलणं बंद करणार नाही असं आव्हान शरद पवार गटाचे नेते जितेंद्र आव्हाड यांना केले आहे. गोट्या गितेचा एक व्हिडीओ व्हायरल झाला आहे. या व्हिडिओमध्ये त्याने आव्हाडांना धमकी दिली आहे.
जितेंद्र आव्हाड यांना गोट्या गितेने धमकी दिल्याचा व्हिडीओ सध्या व्हायरल होत आहे. अशा धमक्यांना घाबरून मी माझं बोलणं बंद करणार नाही. हा कोण गोट्याफोट्या याला कोण भीक घालतय असे आव्हाडांनी म्हटले आहे. गोट्या गित्तेने आमदार जितेंद्र आव्हाडांना धमकी दिली. गोट्या गित्ते महादेव मुंडे हत्या प्रकरणातील संशयित फरार आरोपी आहे. वाल्मिक कराड माझं दैवत आहे. तसेच धनंजय मुंडेंना बदनाम करू नका असं गोट्या गित्ते यांने म्हटले आहे.
हेही वाचा: माझ्या वक्तव्याचा विपर्यास केला; कृषीमंत्री दत्तात्रय भरणेंनी दिलं स्पष्टीकरण
गेल्या अनेक दिवसांपासून गोट्या गीते हा मला धमकी देण्याचे काम करतोय. वाल्मिक कराड याचा उजवा हात म्हणून तो ओळखला जातो. बापू आंधळे करून प्रकरणात देखील त्याचा सहभाग होता. केवळ इन्स्पेक्टर महाजन याने गीतेलाही वाचवण्याचे काम केले. गीते हा नामचीन गुंडा आहे, त्याला घाबरणार मी नाही. महादेव मुंडेच्या खून प्रकरणात देखील मुख्य सूत्रधार तोच होता असे आव्हाड यांनी म्हटले आहे.
जितेंद्र आव्हाड म्हणाले, "महादेव मुंडे यांच्या खून प्रकरण त्यांची पत्नी ज्ञानेश्वरी मुंडे यांनी लावून धरल्याने सगळी गॅंग अडचणीत आली आहे. त्यात मोठ्या मोठ्यांची नावे आहेत, तिलाही ऑफर कोणी दिली. महादेवचा खून झाला, ती 12 गुंठे जमीन तुझ्या नावावर करतो तू हे प्रकरण बंद कर अशी ऑफर दिली होती.
गोट्या गितेचा व्हिडीओ व्हायरल झाला. त्या व्हिडिओत मी वंजारी समाजाचा आहे. आव्हाडही वंजारी समाजाचे असून असे आरोप करत आहेत. मला वाटत नाही ते वंजारी समाजाचे असतील असे गितेने म्हटले आहे. यावर वंजारी सर्टिफिकेटची मला गरज नाही, मी ओरिजनल वंजारी आहे. रक्तात वंजाऱ्याचा खून आहे. हे वंजाऱ्यांना बदनाम करून टाकतील. ह्या गॅंगने समाजाला बदनाम करून टाकलं. समाजाला कुठेतरी विरोधक म्हणून उभं केलं. वंजारी कुणाचा विरोधक नाही असे गोट्याने गितेने म्हटले आहे.