श्रावण 2025: शिवभक्तांसाठी श्रावण महिना अत्यंत पवित्र आणि भक्तिमय मानला जातो. या महिन्याची सुरुवात होते आषाढ पौर्णिमेनंतर, आणि यावर्षी वैदिक पंचांगानुसार श्रावणाचा प्रारंभ 11 जुलै 2025 पासून होणार आहे. 10 जुलै रोजी आषाढ पौर्णिमा साजरी केली जाईल आणि त्यानंतर 11 जुलैपासून श्रावण महिन्याची सुरूवात होईल.
श्रावणाचे महत्व:
श्रावण महिन्याला भगवान शिवाची विशेष कृपा प्राप्त करण्याचा काळ मानला जातो. या काळात लाखो भक्त दररोज मंदिरात जाऊन महादेवाची पूजा-अर्चा करतात, शिवलिंगावर जलाभिषेक करतात आणि शिव मंत्राचा जप करतात. गंगाजल, बेलपत्र, शुद्ध दूध, मध आणि सफेद फुलांनी भगवान शंकराचा अभिषेक केल्यास जीवनातील संकट दूर होतात, अशी धार्मिक मान्यता आहे.
श्रावण सोमवार आणि मंगळागौरी व्रतांचे महत्त्व
श्रावण महिन्यातील सोमवारी 'श्रावण सोमवार व्रत' आणि मंगळवारी 'मंगळागौरी व्रत' करण्याची परंपरा आहे. हे व्रत स्त्रिया आणि पुरुष दोघेही करतात. यामुळे विवाहात येणाऱ्या अडचणी दूर होतात, सौभाग्य प्राप्त होतं आणि मनोकामना पूर्ण होते.
कधी आहेत श्रावण सोमवार?
पहिला सोमवार व्रत: 14 जुलै 2025
दुसरा सोमवार व्रत: 21 जुलै 2025
तिसरा सोमवार व्रत: 28 जुलै 2025
चौथा सोमवार व्रत: 04 ऑगस्ट 2025
हेही वाचा: Sawan 2025: शिवलिंग पूजेदरम्यान ‘या’ 5 चुका करू नका, अन्यथा व्हाल पापाचे भागीदार
मंगळागौर व्रत कधी आहे?
पहिला मंगळागौरी व्रत: 15 जुलै 2025
दुसरा मंगळागौरी व्रत: 22 जुलै 2025
तिसरा मंगळागौरी व्रत: 29 जुलै 2025
चौथा मंगळागौरी व्रत: 05 ऑगस्ट 2025
पूजेचे नियम आणि योग्य वेळा
श्रावण महिन्यात दररोज भगवान शिवाची पूजा करावी. अभिषेक करताना बेलपत्र, पांढरी फुलं, गंगाजल, मध आणि दूध यांचा वापर करावा. शिव चालीसा, महामृत्युंजय मंत्र आणि 'ॐ नम: शिवाय' या जपाचा नियमित पाठ करावा.
हेही वाचा: sawan 2025: श्रावणात सुरू होईल 'या' 3 राशींचा सुवर्णकाळ, 500 वर्षांनंतर घडणार दुर्मिळ योगायोग
पंचांगानुसार काही महत्त्वाचे मुहूर्त:
ब्रह्म मुहूर्त: सकाळी 04:10 ते 04:51
विजय मुहूर्त: दुपारी 02:45 ते 03:40
गोधूली मुहूर्त: संध्याकाळी 07:21 ते 07:41
अमृत काल: रात्री 12:01 ते 01:40
सूर्योदय: सकाळी 05:31
सूर्यास्त: संध्याकाळी 07:22
चंद्रोदय: रात्री 08:05
चंद्रास्त: सकाळी 05:35
श्रावण 2025 हा महिना भक्ती, श्रद्धा आणि साधनेचा काल आहे. 11 जुलैपासून सुरू होणाऱ्या या पवित्र महिन्यात भगवान शिवाची आराधना करून भक्त जीवनातील अनेक अडचणी दूर करण्यासाठी व्रत, पूजाअर्चा आणि दानधर्म करतात. या संधीचा लाभ घ्यावा आणि श्रद्धेने महादेवाचे स्मरण करावे.
(DISCLAIMER: येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. जय महाराष्ट्र त्याची हमी देत नाही.)