आता रस्त्यावर धावणार ट्रेन! नितीन गडकरींनी नागपूरमध्ये भारतातील पहिल्या रोड ट्रेनला दाखवला हिरवा झेंडा

India’s First Road Train: आतापर्यंत तुम्ही परदेशात रस्त्यावरून ट्रेन धावताना पाहिली असेल. परंतु, तुम्ही कधी विचार केला आहे का की, भारतातही ट्रेन रस्त्यावरही धावू शकते? आता भारतातील लोकांना याचा प्रत्यक्षात अनुभव घेता येणार आहे. केंद्रीय मंत्री नितीन गडकरी यांनी नागपूरमध्ये भारतातील पहिल्या रोड ट्रेनला हिरवा झेंडा दाखवला आहे. ही ट्रेन एक सामान्य वाहन नाही तर अनेक ट्रेलर्सना एकत्र जोडून बनवलेली एक अनोखी तंत्रज्ञान असणार आहे, जी लॉजिस्टिक्सच्या जगात मोठा बदल घडवून आणणार आहे. या ट्रेनमुळे वस्तू जलद, स्वस्त आणि सुरक्षितपणे पोहोचवता येतील. या रोड ट्रेनमुळे केवळ वाहतूक जलद होणार नाही तर इंधनाची देखील बचत होणार आहे. याशिवाय, या रोड ट्रेनमुळे पर्यावरणाचे मोठ्या प्रमाणात रक्षण होण्यासही मदत होणार आहे. 

भारतातील पहिली रोड ट्रेन - 

केंद्रीय मंत्री नितीन गडकरी यांनी आज नागपूरमध्ये व्होल्वो ग्रुपने बनवलेल्या भारतातील पहिल्या रोड ट्रेनला हिरवा झेंडा दाखवला. हे नवीन तंत्रज्ञान लॉजिस्टिक्स क्षेत्रात क्रांती घडवून आणण्याच्या दिशेने तसेच देशातील वाहतूक अधिक कार्यक्षम आणि पर्यावरणपूरक बनवण्याच्या दिशेने एक मोठे पाऊल आहे. ही रोड ट्रेन विशेषतः लांब पल्ल्याच्या मालवाहतुकीसाठी डिझाइन करण्यात आली आहे, जी वाहतूक क्षेत्राला स्वस्त, जलद आणि शाश्वत बनविण्यास मदत करेल. 

हेही वाचा - Om Prakash Behera : मुलाच्या स्वप्नांसाठी आईचं बलिदान, 300/300 गुण मिळवत पटकावला JEE टॉपरचा मान!

आधुनिक तंत्रज्ञानाने सुसज्ज असेल रोड ट्रेन - 

नितीन गडकरी यांनी हिरवा झेंडा दाखवलेली ही रोड ट्रेन आधुनिक तंत्रज्ञानाने सुसज्ज असणार आहे. तसेच ती लॉजिस्टिक्स क्षेत्राची कार्यक्षमता वाढवेल. यामध्ये, एकाच ट्रकला अनेक ट्रेलर जोडलेले असतात, ज्यामुळे एकाच वेळी जास्त माल वाहून नेणे शक्य होते. यामुळे इंधनाचा वापर कमी होईल आणि कार्बन उत्सर्जन देखील लक्षणीयरीत्या कमी होईल. या नवोपक्रमामुळे वेळ आणि पैसा वाचेल. याशिवाय, रस्त्यावरील वाहतुकीचा ताण देखील कमी होईल. 

हेही वाचा - Viral Video : मांडीवर लॅपटॉप.. चारचाकी चालवत महिला करत होती ऑफिसचं काम, पोलिसांनी शिकवला धडा

लॉजिस्टिक्स आणि वाहतूक क्षेत्रात मोठा बदल - 

दरम्यान, यासंदर्भात बोलताना नितीन गडकरी यांनी सांगितले की, ही रोड ट्रेन भारतातील लॉजिस्टिक्स आणि वाहतूक क्षेत्रात मोठा बदल घडवून आणेल. यामुळे मालवाहतूक आणि वाहतूक व्यवस्था आणखी सुधारेल. याशिवाय, पर्यावरणालाही याचा मोठा फायदा होईल. भारत वेगाने प्रगती करत असून हे नवीन तंत्रज्ञान या दिशेने एक महत्त्वाचे पाऊल आहे. या उपक्रमामुळे लॉजिस्टिक्स क्षेत्राला नवीन चालना मिळेल. तसेच देशातील वाहतूक खर्चही कमी होईल.